الەم كوشباسشىلارىنىڭ ەل نازارىندا جۇرگەن جۇبايلارى كىم؟
ءبىرىنشى حانىمدار وزگە قىز-كەلىنشەكتەر سەكىلدى قالاعانىن كيىپ، ەمىن-ەركىن جۇرە المايدى. وسى ورايدا ءجيى تالقىعا تۇسەتىن الەمدىك كوشباسشىلاردىڭ ايەلدەرى كىم ەكەنىن BigPicture.ru سايىتى انىقتادى.
رانيا ال- ابدۋللا
ابداللا II يوردانيا كورولىنىڭ جارى - رانيا ال-ابدۋللا پالەستينالىق پاتشايىم. ول ءوزىنىڭ تابىنۋشىلارى ءۇشىن سۇلۋلىقتىڭ ناعىز سيمۆولى. رانيا عالامتور ارقىلى داۋىس بەرۋدىڭ ناتيجەسىندە كوپتەگەن شوۋ-بيزنەس وكىلدەرىن باسىپ وزىپ، «كەربەز پاتشايىم» دەگەن اتاق العان. يوردانيا پاتشايىمىنىڭ سىرت-كەلبەتىنە قاراپ، ونىڭ 49 جاستا ەكەنىنە سەنۋ قيىن.
لي سول چجۋ
سولتۇستىك كورەيا باسشىسى كيم چەن ىننىڭ جۇبايى لي سول چجۋدىڭ ناقتى تۋعان كۇنى بەلگىسىز. كوپ جەردە 1985-1989-جىلدىڭ اراسى دەپ كورسەتىلگەن. ونىڭ ءومىرى جايلى دەرەكتەر جاسىرىن ساقتالعان.
دەسە دە لي سول چجۋ ك ح د ر كوشباسشىسىنا وڭ اسەر ەتكەن. كيم چەن ىن نەكە قيعاننان سوڭ ايەلدەرگە شالبار مەن بيىك وكشەلى اياق كيىم كيۋگە، ۆەلوسيپەدپەن جۇرۋگە رۇقسات بەرگەن.
مەحريبان اليەۆا
بۇگىندە ءازىربايجان باسشىسى يلحام اليەۆتىڭ 55 جاستاعى كەلىنشەگى ءبىرىنشى ۆيتسە-پرەزيدەنت قىزمەتىندە وتىر. بەلگىلى ساياساتكەرلەردىڭ ورتاق ءۇش بالاسى بار. جاسى الپىسقا جۋىقتاسا دا اليەۆا جاس قالپىن ساقتاپ قالعان.
موزا بينت ناسەر ال- ميسنەد
كاتار ءامىرىنىڭ ەكىنشى ايەلىن حالىق اراسىندا جاي عانا موزا ال-ميسنەد دەپ اتايدى. ول ءبىلىم ۇلتتىق قورىن باسقارىپ، بىرنەشە مەملەكەتتىك قىزمەتتەر اتقارادى. ودان بولەك بىرنەشە عىلىمي دارەجەسى بار. بۇگىندە 61 جاستاعى موزا ال-ميسنەدتى سىرت-كەلبەتىنە قاراپ جەتى بالانىڭ اناسى دەۋ قيىن.
انا پاۋلا دۋش سانتۋش
انگولا پرەزيدەنتىنىڭ جارى كۇيەۋىنەن 20 جاسقا كىشى. ول تۋرالى كوپ مالىمەت ايتىلمايدى. ول ۇنەمى كلاسسيكالىق ماكياج بەن قاراپايىم شاش ۇلگىسىمەن جۇرەدى.
شانتال بيا
كامەرۋن پرەزيدەنتىنىڭ سىرت-كەلبەتى كوپشىلىكتىڭ نازارىن بىردەن اۋدارادى. ءبىرىنشى حانىم تۋرالى كوپ اقپارات ايتىلمايدى.