+7 (701) 759 90 19
0 °С : نۇر-سۇلتان
8 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

ىشكى ىستەر مينيسترلىگى قارۋ- جاراقپەن قاشقان اسكەريدى ۇستاۋعا ءوز كۇشىن جۇمىلدىردى

20 اقپان 18:53
:ءبولىسۋ
ىشكى ىستەر مينيسترلىگى قارۋ- جاراقپەن قاشقان اسكەريدى ۇستاۋعا ءوز كۇشىن جۇمىلدىردى

نۇر- سۇلتان. قازاقپارات – ق ر ىشكى ىستەر مينيسترلىگى قارۋ- جاراق الىپ قاشىپ كەتكەن كىشى سەرجانتتى ۇستاۋعا ءوز كۇشىن جۇمىلدىردى.

بۇل تۋرالى ەلوردادا ق ر ءى ءى م وزىندىك قاۋىپسىزدىك دەپارتامەنتىنىڭ باسشىسى ارمان سادانوۆ ءمالىم ەتتى، دەپ حابارلايدى قازاقپارات ءتىلشىسى.

«ىشكى ىستەر مينيسترلىگىنىڭ جەدەل تەرگەۋ توبى اتالعان ماسەلەگە قاتىستى حابارلاما تۇسكەننەن بەرى ءتيىستى جۇمىستاردى اتقارىپ جاتىر»، - دەدى ا. سادانوۆ باسپا ءسوز ءماسليحاتىندا.

ونىڭ سوزىنە قاراعاندا، اسكەري قىزمەت ورنىن تاستاپ كەتكەن كىشى سەرجانتتى ۇستاۋ ءۇشىن شىمكەنت قالاسى مەن تۇركىستان وبلىسى پوليتسيا دەپارتامەنتىنىڭ گارنيزوندارى، سونداي- اق ۇلتتىق ۇلان قۇرىلىمدارى جۇمىلدىرىلدى.

بۇدان بۇرىن حابارلانعانداي، شىمكەنت قالاسىنا تاقاۋ جەردەگى اسكەري بولىمنەن كەلىسىمشارتپەن قىزمەت ەتىپ جاتقان كىشى سەرجانت ا. بالعىنباي بىرنەشە قارۋ- جاراق الىپ قاشىپ كەتتى.

ق ر قورعانىس مينيسترلىگىنىڭ مالىمەتىنشە، شىمكەنت قالاسىنا تاقاۋ ورنالاسقان اۋەگە قارسى قورعانىس اسكەري بولىمدەرىنىڭ بىرىندە كەلىسىمشارت بويىنشا قىزمەت ەتىپ جاتقان كىشى سەرجانت ا. بالعىنباي روتا بويىنشا كەزەكشىلىكتەن رۇقساتسىز كەتىپ قالعان. بۇعان قوسا، قارۋ- جاراق ساقتايتىن بولمەدەن بىرنەشە اتىس قارۋىنىڭ جەتىسپەيتىندىگى انىقتالدى.



باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات