+7 (701) 759 90 19
1 °С : نۇر-سۇلتان
8 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

پروكۋراتۋرا قازاقستاندىقتارعا ۇندەۋ جاريالادى

20 اقپان 20:33
:ءبولىسۋ
پروكۋراتۋرا قازاقستاندىقتارعا ۇندەۋ جاريالادى

نۇر-سۇلتان. قازاقپارات – ق ر باس پروكۋراتۋراسىنىڭ سايتى باس پروكۋروردىڭ ورىنباسارى ب. ب. دەمبايەۆتىڭ «پروكۋراتۋرا تۋرالى» زاڭنىڭ 31-بابى تارتىبىندەگى ۇندەۋىن جاريالادى.

«قازاقپارات» ح ا ا ۇندەۋدىڭ تولىق ءماتىنىن جاريالايدى.

قۇرمەتتى ازاماتتار!

كونستيتۋتسيانىڭ 32-بابىنا سايكەس قازاقستان رەسپۋبليكاسىنىڭ ازاماتتارى بەيبىت ءارى قارۋسىز جينالۋعا، جينالىستار، ميتينگىلەر مەن دەمونستراتسيالار، شەرۋلەر وتكىزۋگە جانە توسقاۋىلدارعا تۇرۋعا حاقىلى. بۇل قۇقىقتى پايدالانۋ مەملەكەتتىك قاۋىپسىزدىك، قوعامدىق ءتارتىپ، دەنساۋلىق ساقتاۋ، باسقا ادامداردىڭ قۇقىقتارى مەن بوستاندىقتارىن قورعاۋ مۇددەلەرى ءۇشىن زاڭمەن شەكتەلۋى مۇمكىن.

وسىعان تەكتەس قاعيدا ازاماتتىق جانە ساياسي قۇقىقتار تۋرالى حالىقارالىق پاكتىنىڭ 21-بابىندا بەكىتىلگەن.

وسىنى ەسكەرە وتىرىپ، قازاقستاندا بەيبىت جينالىستاردى ۇيىمداستىرۋ مەن وتكىزۋ ءتارتىبى قازاقستان رەسپۋبليكاسىنىڭ «بەيبىت جينالىستار، ميتينگىلەر، شەرۋلەر، پيكەتتەر جانە دەمونستراتسيالار ۇيىمداستىرۋ مەن وتكىزۋ ءتارتىبى تۋرالى» زاڭىمەن رەگلامەنتتەلگەن.

باس پروكۋراتۋرانىڭ تۇسىندىرۋلەرىنە قاراماستان، جەكەلەگەن ادامدار، سونىڭ ىشىندە شەتەلدەن، سونداي-اق تىيىم سالىنعان «قازاقستاننىڭ دەموكراتيالىق تاڭداۋى» («ق د ت») ەكسترەميستىك ۇيىمنىڭ جاقتاستارى الەۋمەتتىك جەلىلەردە ەل تۇرعىندارىن زاڭسىز ميتينگىلەرگە قاتىسۋعا شاقىرۋدى جالعاستىرۋدا.

م. ءابليازوۆتىڭ بيلىكتى كۇشپەن قۇلاتۋعا جانە باسىپ الۋعا، الەۋمەتتىك ارازدىقتى قوزدىرۋعا جاريا شاقىرۋلارىنا بايلانىستى «ق د ت» ۇيىمى سوتپەن قازاقستاننىڭ بارلىق اۋماعىندا قىزمەتىنە تىيىم سالۋمەن ەكسترەميستىك دەپ تانىلعاندىعىنا (استانا قالاسىنىڭ ەسىل اۋداندىق سوتىنىڭ 13.03.2018) نازارلارىڭىزدى اۋدارامىز.

وسىلايشا، «ق د ت» ەكسترەميستىك ۇيىمى بەيبىت ۇيىم بولىپ تابىلمايدى.

ونىڭ قىزمەتىنە كەز كەلگەن قاتىسۋ قازاقستان رەسپۋبليكاسى قىلمىستىق كودەكسىنىڭ 258 (ەكسترەميستىك ارەكەتتى قارجىلاندىرۋ جانە تەرروريزمگە نە ەكسترەميزمگە وزگە دە دەم بەرۋشىلىك) جانە 405-باپتارىنا (ەكسترەميزمدى جۇزەگە اسىرۋعا بايلانىستى ونىڭ قىزمەتىنە تىيىم سالۋ تۋرالى سوتتىڭ شەشىمى بار ۇيىمنىڭ قىزمەتىنە قاتىسۋ) سايكەس قىلمىستىق جاۋاپتىلىققا اكەپ سوقتىرادى.

بۇدان باسقا، بۇقارالىق ءىس-شارانى وتكىزۋگە رۇقسات العانعا دەيىن ونى ۇيىمداستىرۋشىنىڭ، سونداي-اق وزگە دە تۇلعالاردىڭ بۇقارالىق اقپارات قۇرالدارىندا، ينتەرنەتتە نەمەسە وزگە دە اقپاراتتىق جەلىلەردە ونىڭ وتكىزىلەتىن كۇنى، ورنى مەن ۋاقىتى تۋرالى جاريالاۋعا قۇقىعى جوق. سونداي-اق، ولاردىڭ وسى ماقساتتا پاراقشالار، پلاكاتتار جانە وزگە دە وسىنداي ماتەريالداردى دايىنداۋعا جانە تاراتۋعا قۇقىعى جوق.

اتالعان ەرەجەلەردى بۇزۋ ۇيىمداستىرۋشىنىڭ ا ق ب ت ك- ءنىڭ 488-بابىنىڭ 3-بولىگى بويىنشا جاۋاپتىلىعىنا اكەپ سوعادى.

باسقاشا ايتقاندا، 2020-جىلعى 22- اقپانعا زاڭسىز اكسيالاردى ۇيىمداستىرۋدى جانە وتكىزۋدى بۇزعانى ءۇشىن اكىمشىلىك ىقپال ەتۋ شارالارى قابىلداناتىن بولادى (اكىمشىلىك قۇقىق بۇزۋشىلىق تۋرالى كودەكستىڭ 488-بابى - قازاقستان رەسپۋبليكاسىنىڭ بەيبىت جينالىستار ۇيىمداستىرۋ جانە وتكىزۋ ءتارتىبى تۋرالى زاڭناماسىن بۇزۋ).

ەگەر بۇل ارەكەتتەر ازاماتتاردىڭ، ۇيىمداردىڭ، قوعامنىڭ نەمەسە مەملەكەتتىڭ قۇقىقتارى مەن زاڭدى مۇددەلەرىنە ەلەۋلى زيان كەلتىرۋمەن قاتار جۇرسە، وندا كىنالى ادامدار قىلمىستىق جاۋاپتىلىققا تارتىلادى (قىلمىستىق كودەكستىڭ 400-بابى - زاڭسىز اكسيانى ۇيىمداستىرۋ نەمەسە قاتىسۋ، ەگەر ولار ەلەۋلى زالال كەلتىرسە).

سونىمەن قاتار، قازاقستان رەسپۋبليكاسىنىڭ 2019-جىلعى 26- قاراشاداعى 273№- ⅵ ق ر ز زاڭىمەن اكىمشىلىك قۇقىق بۇزۋشىلىق تۋرالى كودەكستە 2019-جىلعى جەلتوقساننان باستاپ كامەلەتكە تولماعان ادامدى زاڭسىز جاريا اكسيالارعا تارتقانى، سول سياقتى ونى قوعامدىق، توپتىق نەمەسە جەكە مۇددەلەر مەن قارسىلىق بىلدىرۋدىڭ نىساندارىندا پايدالانعانى ءۇشىن جاۋاپتىلىق ەنگىزىلگەنىن تۇسىندىرەمىز.

وسى قۇقىق بۇزۋشىلىق ءۇشىن اكىمشىلىك قۇقىق بۇزۋشىلىق تۋرالى كودەكستىڭ 128-بابىنىڭ 2-بولىگى بويىنشا ءجۇز ايلىق ەسەپتىك كورسەتكىش مولشەرىندە ايىپپۇل نەمەسە ون تاۋلىككە دەيىنگى مەرزىمگە اكىمشىلىك قاماۋ كوزدەلگەن.

وسىعان بايلانىستى، كەز كەلگەن ادامنىڭ رۇقسات ەتىلمەگەن جاريا ءىس-شارالاردى ۇيىمداستىرۋ نەمەسە وعان قاتىسۋ جونىندەگى ءىس-ارەكەتتەرىنىڭ جولىن قۇقىق قورعاۋ ورگاندارى زاڭمەن كوزدەلگەن جاۋاپتىلىق شارالارىن قابىلداي وتىرىپ، كەسەتىن بولادى.

باس پروكۋراتۋرا ازاماتتاردى ارانداتۋشىلىققا ەرمەۋگە، قولدانىستاعى زاڭنامانى مۇلتىكسىز ساقتاۋعا جانە زاڭسىز جاريا اكسيالارعا قاتىسۋدان باس تارتۋعا شاقىرادى.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات