بوراندا اداسىپ، ءۇسىپ قالعان ەلوردا تۇرعىنىنىڭ دەنەسى تابىلدى
ۆەدومستۆونىڭ مالىمەتىنشە، اقپاننىڭ 19 دا شورتاندى اۋداندىق پ ب كەزەكشى بولىمىنە نۇر- سۇلتان قالاسىنىڭ تۇرعىنى حابارلاسىپ، 53 جاستاعى تانىسى «Nissan Patrol» كولىگىمەن نوۆوكۋبانكا جانە بەلوە وزەرو اۋىلدارىنىڭ اراسىندا قارعا باتىپ قالعانىن ايتقان.
«ەر ادامدى قۇتقارۋعا پوليتسيا، جەرگىلىكتى اتقارۋشى ورگاندار جانە تۇرعىنداردان قۇرالعان ارنايى ىزدەۋ توبى جانە ارنايى تەحنيكا مەن قاردا جۇرۋگە ارنالعان كولىك جۇمىلدىرىلدى. ناتيجەسىندە اقپاننىڭ 20-دا ەر ادامنىڭ دەنەسى كولىگىنەن 5 شاقىرىم جەردەن تابىلدى. الدىن الا مالىمەت بويىنشا، ەر ادام قار قۇرساۋىندا قالعان كولىگىن تاستاپ، جاياۋ جاقىن ماڭىنداعى ەلدىمەكەندى ىزدەۋگە شىققان»، - دەدى ۆەدومستۆودان.
وسى رەتتە ءتارتىپ ساقشىلارى تۇرعىندارعا قولايسىز اۋا رايى، بوران كەزىندە ەلدى مەكەننەن تىس جەرلەرگە، جولعا شىقپاۋ جونىندە ەسكەرتەدى. توتەنشە جاعداي بولا قالعان كەزدە «112» جانە «102» تەلەفون ءنومىرى ارقىلى قۇتقارۋ قىزمەتىنە حابارلاسۋ كەرەك.
www.24.kz