وزبەكستاندا تۇراتىن قانداسىمىز كۇرەستەن بەس دۇركىن ازيا چەمپيونى اتاندى

نۇر-سۇلتان. قازاقپارات - دەليدە (ءۇندىستان) كۇرەس تۇرلەرىنەن ءوتىپ جاتقان ازيا چەمپيوناتىندا وزبەكستاندا تۇراتىن ەتنيكالىق قازاق بالۋانى ەلمۇرات تاسمۇراتوۆ بەسىنشى مارتە ازيا چەمپيونى اتاندى، دەپ حابارلايدى قازاقپارات ءتىلشىسى.

Olamsport.com حابارلاۋىنشا، اتالعان «سارىقۇرلىق» دوداسىندا گرەك-ريم كۇرەسىنەن 63 كەلى سالماقتا سىنعا تۇسكەن قانداسىمىز فينالدا وڭتۇستىك كورەيا وكىلى دجينسەي سونگتى 9:0 ەسەبىمەن جەڭىپ، ازيا چەمپيونى اتاندى. ول وسىعان دەيىن ءتورت رەت ازيا بىرىنشىلىگىن باعىندىرعان بولاتىن. مىنە، دەليدە تاعى دا قارسىلاس شاق كەلتىرمەي، بەسىنشى مارتە ازيا چەمپيونى اتاندى.

ول وزبەكستاننىڭ بوستاندىق اۋدانى قىزىل تۋ اۋىلىندا دۇنيەگە كەلگەن. 1991-جىلى تۋعان ەلمۇرات 13 جاسىندا ەلگە ورالىپ، بەكزات ساتتارحانوۆ اتىنداعى مەكتەپ-ينتەرناتتا ءبىلىم الادى. كۇرەسكە يكەمى بولعانىمەن، قۇراما باپكەرلەرى ءتۇرلى سىلتاۋلارمەن ونى شاقىرمايدى. ۇلتتىق قۇرامانىڭ ساپىنا ىلىنە الماعان ەلمۇرات كەيىن وزبەكستانعا قايتا كوشىپ كەتكەن.

ايتا كەتەيىك، دەليدە ءوتىپ جاتقان ازيا بىرىنشىلىگىندە گرەك-ريم كۇرەسىنەن قازاقستان بالۋاندارى 5 مەدال جەڭىپ الدى. ونىڭ بىرەۋى - التىن، بىرەۋى – كۇمىس، ۇشەۋى - قولا مەدال.

اۆتور: كۇنسۇلتان وتارباي