+7 (701) 759 90 19
2 °С : نۇر-سۇلتان
8 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

قازاقستان قىتايدان كەلەتىن بارلىق ازاماتتار ءۇشىن كارانتين ءتارتىبىن ەنگىزدى

20 اقپان 21:06
:ءبولىسۋ
قازاقستان قىتايدان كەلەتىن بارلىق ازاماتتار ءۇشىن كارانتين ءتارتىبىن ەنگىزدى

نۇر-سۇلتان. قازاقپارات - دەنساۋلىق ساقتاۋ ءمينيسترى ەلجان ءبىرتانوۆ قازاقستانعا كەلەتىن ازاماتتار ءۇشىن ەنگىزىلەتىن كارانتين ءتارتىبىن ءتۇسىندىرىپ بەردى، دەپ حابارلايدى قازاقپارات ءتىلشىسى.

«الەمدەگى 41 مەملەكەت ۋحاننان كەلگەندەرگە عانا ەمەس، بۇكىل قىتايدان كەلگەن ازاماتتار ءۇشىن كارانتين ءتارتىبىن ەنگىزىپ جاتىر. ءبىز دە بۇگىننەن باستاپ قىتايداعى ينفەكتسيانىڭ تارالۋ قاۋپىنىڭ الدىن الۋ ءۇشىن وسى شارانى قابىلدادىق»، - دەدى ەلجان ءبىرتانوۆ و ك ق- دا وتكەن باسپا ءسوز ءماسليحاتىندا.

سونىمەن قاتار ءمينيستردىڭ ايتۋىنشا تاعى ءبىرقاتار ەلدە ينفەكتسيانىڭ قارقىندى تۇردە تارالىپ جاتقان جايى بار.

«سول سەبەپتى سانيتارلىق دارىگەردىڭ قاۋلىسىندا ەپيدەميالىق تۇرعىدا جايسىز ەلدەردى ەكىنشى ساناتقا كىرگىزدىك. ول ەلدەردىڭ قاتارىنا 10 پاتسيەنتى بار مەملەكەتتەر عانا ەمەس، اۋرۋدى جۇقتىرۋ سيپاتى جاعىنان ەرەكشەلەنگەن ەلدەر دە ەنگىزىلدى. وسىعان بايلانىستى ءبىرقاتار ەلدەرگە نازار اۋدارىپ وتىرمىز. مەديتسينالىق قىزمەتكەرلەر 14 كۇن مونيتورينگ جاسايدى. كەز كەلگەن ازامات شەكارانى كەسىپ وتكەن كەزدە ءبىز ونىڭ مالىمەتتەرىن تۇرعىلىقتى مەكەنجايى بويىنشا اۋرۋحانالارعا تاپسىرامىز»، - دەدى ول.

ەگەر شەتەلدىك ازامات قازاقستان اۋماعىنا كەلسە، ول جاتقان قوناق ۇيگە مەديتسينالىق قىزمەتكەر كەلىپ، تەمپەراتۋراسىن ولشەپ، جاعدايىن باقىلاۋعا الادى.

«بۇدان كەيىن قاشىقتىقتاعى مونيتورينگ قوڭىراۋ ارقىلى جۇرگىزىلەدى. بۇل شارالاردىڭ ءبارى دە ەڭ الدىمەن ازاماتتاردىڭ ءوز دەنساۋلىعى ءۇشىن جاسالۋدا. ەڭ ءبىرىنشى كەزەكتە حالىق دەنساۋلىعى ءۇشىن قولعا الىنعان جۇمىستار لەگى - وسى»، - دەدى ەلجان ءبىرتانوۆ.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات