زايسانداعى وقيعا: باقتى كەدەن بەكەتىندە كوروناۆيرۋس بويىنشا جاعداي تۇراقتى

None
None
نۇر-سۇلتان. قازاقپارات - شىعىس قازاقستان وبلىسىنداعى باقتى كەدەن بەكەتى باسشىسىنىڭ ورىنباسارى ەربول نۇرالين كەدەندەگى جاعدايدى باياندادى، دەپ حابارلايدى قازاقپارات.

«قازىرگى ۋاقىتتا باقتى كەدەن بەكەتىندە كوروناۆيرۋس بويىنشا جاعداي تۇراقتى. بۇگىن 20- اقپانداعى مالىمەتكە سەنسەك، قىتاي حالىق رەسپۋبليكاسىنان كەدەن بەكەتى ارقىلى ءبىر عانا جۇرگىزۋشى ءوتتى. باسقا ق ح ر نەمەسە ق ر ازاماتتارى شەكارادان وتكىزىلگەن جوق»، - دەدى ە. نۇرالين.

ءوز كەزەگىندە باقتى اۋىلدىق وكرۋگىنىڭ اكىمى الماس چۋشەكوۆ حالىق اراسىندا ەش تۇسىنىسپەۋشىلىك بولماعانىن ايتتى.

«باقتى اۋىلدىق وكرۋگى بويىنشا كوروناۆيرۋس ينفەكتسياسىنىڭ قىتايدا ءورشىپ جاتۋىنا بايلانىستى حالىققا ءتۇسىندىرۋ جۇمىستارى ءجۇرىپ جاتىر. قازىرگى ۋاقىتتا اۋىل حالقىندا ەش تۇسىنىسپەۋشىلىك فاكتىلەرى تىركەلگەن جوق. اۋىل حالقى قازىر تىنىش. اتقارىلىپ جاتقان ءىس-شارالارعا تۇسىنىستىكپەن قاراۋدا»، - دەدى اكىم.

سونىمەن بىرگە، قازاقپارات مايقاپشاعاي كەدەن بەكەتىندە تۇسىرىلگەن بەينەجازبانى جاريالايدى.


ايتا كەتەيىك، بۇعان دەيىن وبلىس اكىمدىگى زايسان اۋدانىنداعى اۋرۋحانالارعا كوروناۆيرۋس جۇقتىرعان قىتاي ازاماتتارى جاتقىزىلادى دەگەن اقپاراتتىڭ جالعان ەكەنىن مالىمدەگەن ەدى.

«قىتايمەن ەكى اراداعى شەكارا جابىلدى. سول ءۇشىن بارلىقتارىڭىزدى سابىرعا شاقىرامىن. ال سول ەلدەن كەلگەن ءبىزدىڭ 5 ازاماتىمىز وقشاۋلانىپ، كارانتينگە جاتقىزىلادى. 3 كۇننەن كەيىن زايسانعا تاعى كەلىپ جاعدايدى باقىلايمىن»، - دەدى دانيال كەنجەتاي ۇلى.

دەنساۋلىق ساقتاۋ ءمينيسترى ەلجان ءبىرتانوۆ تا زايسانداعى جاعدايعا قاتىستى پىكىر ءبىلدىردى.


سوڭعى جاڭالىقتار