+7 (701) 759 90 19
-5 °С : نۇر-سۇلتان
6 °С : الماتى
USD 445.84 EUR 490.47
RUB 5.73 CNY 62.87
جاڭالىقتار

تابىسى از وتباسىلاردىڭ بالالارى كەپىلدىك بەرىلگەن الەۋمەتتىك توپتامالار الا باستادى

20 اقپان 18:16
:ءبولىسۋ
تابىسى از وتباسىلاردىڭ بالالارى كەپىلدىك بەرىلگەن الەۋمەتتىك توپتامالار الا باستادى

نۇر-سۇلتان. قازاقپارات - قازاقستاننىڭ ءبىرقاتار قالالارىندا تابىسى از وتباسىلاردىڭ بالالارىنا كەپىلدىك بەرىلگەن الەۋمەتتىك توپتامالار بەرۋ باستالدى.

بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنەن ءمالىم بولدى، دەپ حابارلايدى قازاقپارات.

«ازىق-تۇلىك جيىنتىقتارى بار قوراپتاردى جەتكىزۋدى ءبىرىنشى بولىپ باستاعاندار - قاراعاندى وبلىسىنىڭ پريوزەرسك قالاسى، بۇقار جىراۋ اۋدانى، اتىراۋ وبلىسىنىڭ يساتاي، ماقات اۋداندارى جانە باتىس قازاقستان وبلىسىنىڭ ءبورلى، قازتالوۆ اۋداندارى. ءۇش ايماقتا توپتامانى جالپى سانى 324 وتباسىنان 420 بالا الدى»، - دەلىنگەن مينيسترلىك حابارلاماسىندا.

اقپان ايىنىڭ سوڭىنا دەيىن اتاۋلى الەۋمەتتىك كومەك (بۇدان ءارى – ا ا ك) الاتىن تابىسى از وتباسىلارداعى 1 دەن 6 جاسقا دەيىنگى 64 مىڭ بالا كەپىلدىك بەرىلگەن الەۋمەتتىك توپتاماعا يە بولادى دەپ جوسپارلانۋدا.

ا ا ك الۋشىلاردىڭ سانى اي سايىن وزگەرەتىنىن ەسكەرە وتىرىپ، كەپىلدەندىرىلگەن الەۋمەتتىك پاكەت الۋشىلار سانى دا سايكەسىنشە وزگەرىپ وتىرادى، سوندىقتان اقپان ايىنىڭ ازىق-تۇلىك توپتامالارى ناۋرىز ايىندا بەرىلەدى.

«ايتا كەتەيىك، ازىق-تۇلىك جيىنتىعى بالالاردىڭ جاس ساناتىنا بايلانىستى قۇرامى بويىنشا ەرەكشەلەنەدى: 1 دەن 3 جاسقا دەيىن جانە 3 تەن 6 جاسقا دەيىن: ءبىراق الەۋمەتتىك پاكەتتىڭ قۇرامى ايماققا قاراماستان بىردەي بولادى. جيناقتاردىڭ قۇرامى فيزيولوگيالىق ەرەكشەلىكتەردى، ازىق-تۇلىكتىڭ تاعامدىق جانە ەنەرگەتيكالىق قۇندىلىعىنىڭ اراقاتىناسىن جانە جاسىنا سايكەس ولاردى پايدالانۋ نورمالارىن ەسكەرە وتىرىپ، ق ر دەنساۋلىق ساقتاۋ مينيسترلىگىنىڭ ۇسىنىمدارى نەگىزىندە قالىپتاستىرىلدى. جيناقتار ءارتۇرلى جارمالاردى، پيۋرەنى، شىرىندى، ءسۇتتى جانە باسقا دا ءونىمدى قامتيدى. ونىمدەر ۆيتاميندەلگەن، بۇل ءوسىپ كەلە جاتقان اعزاداعى ۆيتاميندەردىڭ جەتىسپەۋشىلىگىن تولىقتىرۋعا مۇمكىندىك بەرەدى»، - دەپ اتالىپ وتكەن ۆەدومستۆو اقپاراتىندا.

بۇدان باسقا، توقسانىنا ءبىر رەت تابىسى از وتباسىداعى ءاربىر بالاعا (1 جاستان 6 جاسقا دەيىن) گيگيەنالىق قۇرالدار جيىنتىعى بەرىلەدى.

ءار ءوڭىر الەۋمەتتىك پاكەتتەر بەرۋ جونىندەگى جۇمىستى الۋشىعا جەتكىزۋ جولىمەن نەمەسە بەرۋ پۋنكتتەرى ارقىلى ۇيىمداستىرادى.

6 جاستان 18 جاسقا دەيىنگى بالالارعا مەكتەپتەردە ىستىق تاماق، وقۋ قۇرالدارى مەن مەكتەپ كيىمىن بەرۋ كوزدەلەدى. سونداي-اق، وسى ساناتتاعى بالالار ءۇشىن مەكتەپكە دەيىنگى جول ءجۇرۋ شىعىندارى وتەلەتىن بولادى. بۇل ماسەلەلەردى ق ر ءبىلىم جانە عىلىم مينيسترلىگى ۇيلەستىرەدى.

مەديتسينالىق، ونىڭ ىشىندە ستوماتولوگيالىق كومەك 18 جاسقا دەيىنگى بالالارعا تەگىن مەديتسينالىق كومەكتىڭ كەپىلدىك بەرىلگەن كولەمى جانە مىندەتتى الەۋمەتتىك مەديتسينالىق ساقتاندىرۋ اياسىندا كورسەتىلەتىن بولادى. تابىسى از وتباسىلاردىڭ بالالارىن الەۋمەتتىك قولداۋدىڭ بۇل باعىتى ق ر دەنساۋلىق ساقتاۋ مينيسترلىگىنىڭ قۇزىرىنا جاتادى.

ەستەرىڭىزگە سالا كەتەيىك، مەملەكەت باسشىسى قاسىم-جومارت توقايەۆتىڭ 2- قىركۇيەكتەگى قازاقستان حالقىنا جولداۋىندا ايتىلعان تاپسىرماسى بويىنشا ااك تاعايىنداۋ مەحانيزمى ونىڭ ايقىندىلىعىن، ادىلدىگىن جانە ەڭبەككە دەگەن ىنتانى قامتاماسىز ەتۋ ماقساتىندا تۇزەتىلدى. مەملەكەتتىك كومەكتىڭ جاڭا شارالارى 2020-جىلدىڭ 1- قاڭتارىنان باستاپ كەشەندى تۇردە ىسكە اسىرىلادى جانە مىنالاردى قامتيدى: 4 جانە ودان دا كوپ كامەلەتكە تولماعان نەمەسە 23 جاسقا دەيىنگى كۇندىزگى وقۋ بولىمىندە وقيتىن ستۋدەنت بالالارى بار كوپبالالى وتباسىلارعا ارنالعان جاڭا مەملەكەتتىك جاردەماقى؛ جاڭعىرتىلعان اتاۋلى الەۋمەتتىك كومەك، تابىسى از وتباسىلاردىڭ بالالارىنا ارنالعان كەپىلدىك بەرىلگەن الەۋمەتتىك توپتاما.


باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات