+7 (701) 759 90 19
28 °С : نۇر-سۇلتان
29 °С : الماتى
USD 411.66 EUR 465.92
RUB 5.81 CNY 58.79
جاڭالىقتار

اۋدان اكىمىنىڭ ورىنباسارى الماتى اۋەجايى ماڭىندا ءۇي سالۋعا رۇقسات بەردى دەپ ايىپتالۋدا

20 اقپان 16:51
:ءبولىسۋ
اۋدان اكىمىنىڭ ورىنباسارى الماتى اۋەجايى ماڭىندا ءۇي سالۋعا رۇقسات بەردى دەپ ايىپتالۋدا

تالدىقورعان. قازاقپارات - الماتى وبلىسى ەڭبەكشى قازاق اۋدانى اكىمىنىڭ ورىنباسارى بيلىك پەن لاۋازىمدىق وكىلەتتىگىن اسىرا پايدالاندى دەگەن كۇدىككە ءىلىندى. بۇل جونىندە سىبايلاس جەمقورلىققا قارسى قىزمەتكە سىلتەمە جاساپ قازاقپارات حابارلايدى.

الماتى وبلىسىنىڭ سىبايلاس جەمقورلىققا قارسى قىزمەتى ەڭبەكشىقازاق اۋدانى اكىمىنىڭ ورىنباسارىنا قاتىستى لاۋازىمدىق وكىلەتتىگىن اسىرا پايدالانۋ فاكتىسى بويىنشا سوتقا دەيىنگى تەرگەۋ جۇرگىزىپ جاتىر.

«ول 2017 -جىلى تالعار اۋدانى ساۋلەت جانە قالا قۇرىلىسى ءبولىمىنىڭ باسشىسى قىزمەتىن اتقارا وتىرىپ، تالعار اۋدانىنىڭ پانفيلوۆ اۋىلدىق وكرۋگىندە الماتى قالاسىنىڭ حالىقارالىق اۋەجايىنا جاقىن ورنالاسقان 16 جەر ۋچاسكەسىنىڭ قۇرىلىس سىزباسىنا زاڭسىز كەلىسىم بەرگەن. سول كەلىسىم جالپى اۋدانى 0,96 گا بولاتىن جەر ۋچاسكەسىن ازاماتتاردىڭ جەكە مەنشىك قۇقىعىن تىركەۋ جانە سايكەستەندىرۋ قۇجاتتارىن زاڭسىز دايىنداۋعا نەگىز بولعان دەگەن كۇدىك بار» دەلىنگەن حابارلامادا

كۇدىكتى ق ر ق پ ك 128-بابى تارتىبىمەن ۇستالىپ، ۋاقىتشا ۇستاۋ اباقتىسىنا قامالدى. تەرگەۋ جالعاسۋدا.

ق پ ك 201-بابىنا سايكەس تەرگەۋ مۇددەسىنە سايكەس باسقا مالىمەتتەر جاريالانبايدى.

اكىم ورىنباسارىنا قاتىستى تۇپكىلىكتى شەشىمدى سوت شىعارادى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات