14:57, 20 - اقپان 2020 | GMT +6
قاسىم-جومارت توقايەۆ ۇلتتىق عىلىمي كارديوحيرۋرگيا ورتالىعىنا باردى
نۇر-سۇلتان. قازاقپارات - قاسىم-جومارت توقايەۆ ۇلتتىق عىلىمي كارديوحيرۋرگيا ورتالىعىنا باردى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى كارديوحيرۋرگيا ورتالىعىندا كوپسالالى كەشەننىڭ جۇمىسىمەن تانىسىپ، لابوراتوريالار مەن بولىمدەردى ارالاپ كوردى.
«ۇلتتىق عىلىمي كارديوحيرۋرگيا ورتالىعى» ا ق باسقارما ءتوراعاسى يۋري پيا پرەزيدەنتكە ناۋقاستاردى ەمدەۋ جانە دياگنوستيكا جاساۋ پروتسەسىنە يننوۆاتسيا مەن سيفرلىق تەحنولوگيالاردى ەنگىزۋ تۋرالى ەگجەي-تەگجەيلى ايتتى.
- شىن مانىندە، بۇل ورتالىقتى وزىق ءارى بىرەگەي مەديتسينالىق مەكەمە دەپ ايتساق ارتىق بولمايدى. الەمدە مۇنداي ورتالىقتار كوپ ەمەس. بۇل - ەلباسىنىڭ ارقاسىندا جۇزەگە اسقان جوبا، - دەدى پرەزيدەنت مەكەمە قىزمەتكەرلەرىمەن اڭگىمەلەسۋ كەزىندە.
كەزدەسۋ سوڭىندا مەملەكەت باسشىسى مەديتسينا قىزمەتكەرلەرىنىڭ يگىلىكتى ىسىنە تابىس تىلەدى.