اقمولا وبلىسىندا التىن وندىرەتىن زاۋىت سالىنادى
اكىمدىكتىڭ مالىمەتىنشە، بۇگىنگى كۇنى تاۋ- كەن بايىتۋ كومبيناتى قۇرىلىسىنىڭ جوبالاۋ- سمەتالىق قۇجاتتارى ازىرلەنگەن، بىرقاتار مەملەكەتتىك ساراپتاما جۇرگىزىلۋدە.
بۇدان بولەك، ينجەنەرلىك كوممۋنيكاتسيالار ءۇشىن جەر تەلىمى دايىندالعان. «RG GOLD» «وڭتۇستىك» جانە «سولتۇستىك اۋدان قالاشىعى» كەن ورىندارىن وندىرەدى، وندا وندىرىستىك قۋاتتىلىعى جىلىنا 5 ميلليون توننا قۇرامىندا التىنى بار رۋدا تاۋ- كەن بايىتۋ كومبيناتىنىڭ قۇرىلىسىن سالۋدى باستاۋدى جوسپارلاپ وتىر. جاڭا زاۋىت قازاقستاندا التىن وندىرەتىن ءۇشىنشى زاۋىت بولماق.
«RG GOLD» كومپانياسىنىڭ وكىلدەرى ءوز جوسپارلارىن تانىستىردى، ونىڭ شەڭبەرىندە 105 ميلليارد تەڭگە ينۆەستيسيا قۇيۋ جوسپارلانعان.
«بۇل جوبا جاڭا جۇمىس ورىندارىن، سالىق بازاسىن نىعايتۋدى، كەمىندە ەكى اۋداننىڭ ەكونوميكالىق تۇراقتىلىعىن قامتاماسىز ەتەدى. بيزنەس ينۆەستيسيالاردىڭ جالپى كولەمىنەن جەكە ينۆەستيسيالار 80 پايىزىن بىزدىڭ ەكونوميكامىزدى دامىتۋعا جۇمسايتىنى قۋانتادى»، - دەدى ەرمەك مارجىقپايەۆ.
ايتا كەتەرلىگى، قازىرگى ۋاقىتتا بۇل جوبا رەسپۋبليكالىق كارتاعا ەنگىزۋدى جانە بەكىتۋدى قاجەت ەتەدى. اقمولا وبلىسى ءوزارا تيىمدى ىنتىماقتاستىققا مۇددەلى ينۆەستورلار ءۇشىن اگروونەركاسىپ سەكتورىندا عانا ەمەس، ءوندىرىستىڭ بارلىق باعىتتارى بويىنشا تارتىمدى. قارجى سالىمدارى جىلدان جىلعا وسە ءتۇسۋى سونىڭ ايعاعى.