قازاق بالاسى ازيانىڭ ەڭ ۇزدىك سپورتشىسى اتاندى
بۇل تۋرالى قىزىلوردا وبلىستىق سپورت باسقارماسىنىڭ باسپا ءسوز حاتشىسى ءمالىم ەتتى.
«راحات بەكبولاتقا 17 جاسقا دەيىنگى جاسوسپىرىمدەر مەن 20 جاسقا دەيىنگى جاستار اراسىنداعى تاشكەنتتە وتكەن ازيا چەمپيوناتىنىڭ ەڭ ۇزدىك سپورتشىسى اتاعى بەرىلدى! قۇتتىقتايمىز! جارايسىڭ، سىر سپورتشىسى!» دەلىنگەن حابارلامادا.
ايتا كەتەيىك، قىزىلوردالىق اۋىر اتلەتيكا مەكتەبىنىڭ تاربيەلەنۋشىسى اتالعان ازيا بىرىنشىلىگىندە قوسسايىس قورىتىندىسى بويىنشا 356 كەلى (158+198) كوتەرىپ، قارسىلاسىنان 14 كەلىگە وزىپ كەتتى. وسىلايشا، 17 جاسقا دەيىنگى جاسوسپىرىمدەر مەن 20 جاسقا دەيىنگى جاستار اراسىندا چەمپيون اتاندى. «سەرپە كوتەرۋ» جاتتىعۋىندا جاسوسپىرىمدەر اراسىندا الەمدىك رەكورد ورناتتى.
وسىلايشا، راحات بەكبولات تاشكەنتتە وتكەن ازيا چەمپيوناتىنىڭ ەڭ ۇزدىك سپورتشىسى اتاعىنا قول جەتكىزدى.
ەستەرىڭىزگە سالا كەتەيىك، وسىعان دەيىن حابارلاعانىمىزداي، اۋىر اتلەتيكادان جاستار مەن جاسوسپىرىمدەر اراسىنداعى ازيا چەمپيوناتىنا ازيا قۇرلىعىنىڭ 20 ەلىنەن 14 ايەلدەر جانە 18 ەرلەر كومانداسى قاتىسقان بولاتىن. قازاقستاننان 10 اۋىر اتلەت قاتىسىپ، ولاردىڭ بارلىعى جۇلدەلى ورىندارعا يە بولدى. جالپى، ءبىزدىڭ كوماندا 9 التىن، 2 كۇمىس جانە 3 قولا مەدال جەڭىپ الدى.