قازاقستاندا جوعارى وقۋ ورىندارى وقىتۋشىلارىنىڭ جالاقىسى وسەدى
اسحات ايماعامبەتوۆ ب ع م- دە وتكەن اپپاراتتىق كەڭەستە جوعارى وقۋ ورىندارى وقىتۋشىلارىنىڭ جالاقىسىنىڭ تومەندىگىن ايتتى. جانە ءبىلىم گرانتتارى قۇنىنىڭ ارتۋى ناتيجەسىندە پروفەسسورلىق- وقىتۋشىلىق قۇرامىنىڭ ەڭبەكاقىسىنىڭ ارتاتىنى تۋرالى مالىمدەدى.
«ج و و وقىتۋشىلارىنىڭ جالاقىسى تومەن. سوندىقتان، مەملەكەت باسشىسى العا قويعان مىندەتتەرگە سايكەس 2020-2025 -جىلدارعا ارنالعان ءبىلىم مەن عىلىمدى دامىتۋدىڭ مەملەكەتتىك باعدارلاماسى شەڭبەرىندە مەملەكەتتىك گرانتتاردىڭ قۇنى وسى جىلدىڭ قىركۇيەگىنەن باستاپ ۇلعايتىلاتىن بولادى. بۇل قانداي ناتيجە بەرەدى؟ ول وقىتۋشىلاردىڭ جالاقىسىن كوتەرۋگە مۇمكىندىك بەرەتىن بولادى» ، - دەدى مينيستر.
اسحات ايماعامبەتوۆ ۋنيۆەرسيتەت باسشىلارىنا ءارتۇرلى فورۋمدار مەن ءتيىمسىز ءىس- شارالارعا جۇمسالاتىن شىعىنداردى ازايتۋدى تاپسىردى. سونداي- اق، جالاقى ماسەلەسى بويىنشا ءتيىستى جۇمىستاردى جۇرگىزۋ كەرەكتىگىن ايتتى.
مينيستر ق ر ب ع م جوعارى جانە جوعارى وقۋ ورنىنان كەيىنگى ءبىلىم دەپارتامەنتى ديرەكتورىنا ۋنيۆەرسيتەت باسشىلارىنىڭ شتاتى مەن وقىتۋشىلاردىڭ جالاقى ماسەلەسىن قايتا قاراۋدى تاپسىردى.
جوعارى وقۋ ورىندارىنىڭ باسشىلارى دا ءتيىستى تاپسىرمالاردى الدى.
«مەملەكەتتىك ۋنيۆەرسيتەتتەر ءتيىمسىز شىعىنداردى قايتا قاراۋى ءتيىس. ءارتۇرلى ءتيىمسىز فورۋمداردى، شارالاردى قىسقارتۋ كەرەك. پرەزيدەنت قاڭتار ايىندا ۇكىمەتتىڭ كەڭەيتىلگەن وتىرىسىندا وسىنداي تاپسىرما بەرگەن بولاتىن. ول تەك مينيسترلىكتىڭ اپپاراتىنا قاتىستى ەمەس، كۆازيمەملەكەتتىك مەكەمەلەرگە دە قاتىستى ماسەلە» ، - دەدى اسحات قانات ۇلى.
ەستەرىڭىزگە سالا كەتەيىك، بۇعان دەيىن ق ر ب ع م جوعارى وقۋ ورىندارىنىڭ پروفەسسورلىق- وقىتۋشىلىق قۇرامىنىڭ جالاقىسىن ارتتىرۋ تۋرالى تاپسىرماسى اياسىندا وقۋ جىلىنىڭ باسىنان باستاپ ءبىلىم جانە عىلىم مينيسترلىگىنە قاراستى 25 ج و و- دا جالاقى 20-دان %50عا دەيىن ارتتىرىلدى.