عالىمدار ەرەكشە كليماتتىق قۇبىلىستى انىقتادى

None
None
نۇر-سۇلتان. قازاقپارات - بيىل جوعارى دەڭگەيدە جىلى بولعان قاڭتار ايى «اركتيكالىق تەربەلىس» دەپ اتالاتىن ەرەكشە كليماتتىق قۇبىلىسقا الىپ كەلدى.

بۇل تۋرالى بوۋلدەردەگى قار مەن مۇز بويىنشا امەريكانىڭ ۇلتتىق دەرەكتەر ورتالىعىنىڭ باسشىسى مارك سەررەز ايتتى.

كليماتولوگتىڭ ايتۋىنشا، اركتيكانىڭ سۋىق اۋا اعىنى تىعىز ساقيناعا ءتۇسىپ، سولتۇستىك جارتى شارعا قاراي قوزعالماي جاتىر. بۇل اركتيكالىق تەربەلىستىڭ وڭ فازاسى دەپ اتالادى. تەرىس جەل كەزىندە ولار سينۋسويداعا ۇقساس قيسىق سىزىق تۇرىندە جۇرەدى جانە ورتاشا ەندىككە قاراي باعىتتالادى. سولتۇستىكتىڭ وزىندە ادەتتەگىدەن جىلى اۋا- رايى قالىپتاسادى. ال قازىر، سايكەسىنشە، ءبارى كەرىسىنشە بولىپ جاتىر.

مۇنداي اۋىتقۋلاردى تۋدىراتىن سەبەپتەردى عالىمدار كوپتەگەن جىلدار بويى زەرتتەپ كەلەدى. ءبىر نۇسقا بويىنشا، قۇبىلىس قانداي دا ءبىر تۇردە جەردىڭ ماگنيتتىك ءورىسىنىڭ بۇزىلۋىمەن بايلانىستى.

كليماتولوگتار بۇل پروتسەستەردىڭ تابيعاتىن انىقتاۋ اۋا- رايىنىڭ ۇزاق مەرزىمدى بولجامدارى ءۇشىن وتە ماڭىزدى ەكەنىن اتاپ ءوتتى. ماسەلەن، ەگەر ماماندار وتكەن قاراشادا اركتيكاداعى قۇبىلىستىڭ جاعىمدى كەزەڭى تۋرالى بىلسە، بۇل اۆياتسياعا كومەكتەسە الار ەدى، ال قالالار بيۋدجەتتەرىنەن قار تازالاۋ ءۇشىن قوسىمشا قاراجات شىعارماس ەدى. سونىمەن قاتار، اركتيكالىق تەربەلىستەردى زەرتتەۋ جاھاندىق جىلىنۋ بولىگى بويىنشا زەرتتەۋلەر ءۇشىن پايدالى بولۋى مۇمكىن.

سوڭعى جاڭالىقتار