رەسەيدە ۇشاق اۋەگە كوتەرىلە بەرە جەرگە قۇلادى

None
None
نۇر- سۇلتان. قازاقپارات - تاسس - بەيسەنبى كۇنى تاڭەرتەڭ ا ن-2 ۇشاعى ر ف ماگادان وبلىسىندا اۋە ايلاعىنا جەدەل قوندى، سەبەبى ول بيىكتىككە كوتەرىلە الماعان. بۇل تۋرالى ت ا س س رەسەي ت ج م ماگادان وبلىستىق باس باسقارماسىنا سىلتەمە جاساپ حابارلادى.

«ۇشاق اۋەگە كوتەرىلىپ بارا جاتقان كەزدە قۇلادى. وندا 14 ادام بولدى» ، - دەپ حابارلادى اگەنتتىك دەرەككوزى. وبلىس ۇكىمەتىنىڭ باسپا ءسوز قىزمەتىنىڭ مالىمەتىنشە، بورتتا 11 جولاۋشى مەن ءۇش ەكيپاج مۇشەسى بولعان.

ت ج م باسپا ءسوز قىزمەتىنىڭ سوڭعى دەرەگى بويىنشا، وقيعا سالدارىنان جەتى ادام زارداپ شەككەن. بارلىق زارداپ شەگۋشىلەر اۋرۋحاناعا جەتكىزىلدى.

«وقيعا ورنىندا دەنساۋلىق ساقتاۋ ءمينيسترى سەرگەي چەكانوۆ ءجۇر. بارلىق جولاۋشىلار امان- ەسەن، تەك جەڭىل جاراقاتپەن اۋرۋحاناعا جەتكىزىلدى» ، - دەپ حابارلادى باسپا ءسوز قىزمەتىنەن.

ءوڭىردىڭ دەنساۋلىق ساقتاۋ مينيسترلىگىنىڭ باسپا ءسوز قىزمەتى ءبىر زارداپ شەگۋشىنىڭ اۋىر حالدە جاتقانىن حابارلادى.

«جەدەل جاردەم قىزمەتى كاسىبي تۇردە تەز جۇمىس ىستەدى. ەشكىم قازا تاپقان جوق، بالالار بولماعان. قاتتى زارداپ شەككەن ءبىر ناۋقاس بار، ول قازىر شوكقا قارسى پالاتادا جاتىر» ، - دەپ اتاپ ءوتتى ماگادان وبلىستىق دەنساۋلىق ساقتاۋ مينيسترلىگىنەن.

وبلىس بيلىگىنىڭ الدىن الا دەرەگى بويىنشا، ۇشاق ماگادان وبلىسىندا سرەدنەكانسك قالالىق وكرۋگى اۋماعىندا جۇمىس ىستەيتىن جەكە كومپانياعا تيەسىلى. بورتتا ۆاحتاعا بارا جاتقان كومپانيا قىزمەتكەرلەرى بولعان.

ۇشاق سەيمچان كەنتىنە بارۋى ءتيىس بولعان. قۇتقارۋشىلاردىڭ مالىمەتىنشە، ۇشاق 10 مەتر بيىكتىكتەن قۇلاعان. وقيعانىڭ ءمان- جايى انىقتالىپ جاتىر.

سوڭعى جاڭالىقتار