جاپونياداعى لاينەردىڭ ەكى جولاۋشىسى كوروناۆيرۋستان كوز جۇمدى
بۇل تۋرالى جاپونيالىق ەن- ەيچ- كەي تەلەارناسى مەملەكەتىك اقپارات كوزدەرىنىڭ بىرىنە سىلتەمە جاساپ حابارلادى.
تەلەارنانىڭ حابارلاعانىنداي، ۆيرۋستىڭ سالدارىنان مەرت بولعاندار ايەل مەن ەر ادام. ەكەۋىنىڭ دە جاسى 80 نەن اسقان. Japan News تۆيتتەر اككاۋنتىنىڭ مالىمەتتەرىنشە (جاپونياداعى بەدەلدى «يومۋري» باسىلىمىمەن بايلانىستى) ، مەرت بولعاندار جاپونيا ازاماتتارى.
ەن- ەيچ- كەي مالىمەتى بويىنشا، ولاردان 11 - جانە 12 - اقپان كۇندەرى ۆيرۋس انىقتالىپ، جولاۋشىلار كەمەدەن ءتۇسىرىلىپ، ەمحاناعا جاتقىزىلدى. ۆيرۋس جۇقتىرعانعا دەيىن ەكەۋىنىڭ دە باسقا اۋرۋلارى بولعان.
كەمە جاپوندىق يوكوگاما پورتىندا ەكى اپتا كارانتيندە تۇردى. جاقىندا عانا بيلىك وكىلدەرى كوروناۆيرۋس انىقتالماعان جانە ونىڭ بەلگىلەرى جوق 500 جولاۋشىنىڭ جاعاعا شىعۋىنا رۇقسات بەردى.
ىندەت جۇقتىرعان ادامدار ءالى تىركەلىپ جاتىر، كەمەدەگى ناۋقاستاردىڭ سانى 621 گە جەتتى. بۇل قىتاي شەكاراسىنان تىس اۋماقتا Covid-19 ۆيرۋسىن جۇقتىرعانداردىڭ ەڭ ۇلكەن شوعىرى.
كارانتين كەزىندە ينفەكتسيا جولاۋشىلار اراسىندا تەز تاراپ كەتتى. بىرنەشە مەملەكەت كارانتين بىتكەنشە ازاماتتارىن ەۆاكۋسيالادى. ازىرگە كەمەدەن قارت ادامدار شىعارىلدى.
كارانتين باستالعان ۋاقىتتا لاينەردە 3700 جولاۋشى مەن ەكيپاج مۇشەسى بولدى.
قىتاي بيلىگى بەيسەنبى كۇنى ۆيرۋس جۇقتىرعاندار مەن قازا تاپقاندار سانىنا قاتىستى جاڭا دەرەك ۇسىندى: قايتىس بولعاندار سانى - 2112, ءبىر كۇن بۇرىنعى مالىمەتتەن 108گە كوپ.
جالپى ىندەت جۇقتىرعاندار 74 مىڭنان استى، وتكەن تاۋلىكتە 628 جاڭا وقيعا تىركەلدى.