+7 (701) 759 90 19
1 °С : نۇر-سۇلتان
12 °С : الماتى
USD 447.67 EUR 491.36
RUB 5.74 CNY 63.07
جاڭالىقتار

ماگنيت داۋىلىنىڭ دەنساۋلىققا اسەرى

20 اقپان 11:34
:ءبولىسۋ
ماگنيت داۋىلىنىڭ دەنساۋلىققا اسەرى

نۇر-سۇلتان. قازاقپارات - تابيعاتتا «ماگنيت ءورىسى» ، «ماگنيت داۋىلى» دەر اتالاتىن قۇبىلىستاردىڭ بولىپ تۇراتىنى، ولاردىڭ ادام اعزاسىنا بەلگىلى ءبىر دارەجەدە اسەر ەتەتىنى بەلگىلى.

اسىرەسە ماگنيت داۋىلىن اركىم ءارقالاي كوتەرەدى. جاس، دەنساۋلىعى قالىپتى ادامدار بۇل داۋىلدىڭ اسەرىن اسا سەزە قويمايدى، ال جاسى ەگدە تارتقان جانە سەزىمتال ادامدار بۇل داۋىلدىڭ اسەرىن قاتتى سەزىنەدى. كوپشىلىككە تانىس بۇل قۇبىلىس كەزىندە اعزاداعى جايسىزدىقتان قالاي ارىلۋعا بولادى؟ ەندەشە سىزدەرگە سول جايىندا ايتپاقپىز. «ماگنيت داۋىلى» عىلىمي تىلدە گەوماگنيتتىك تولقىن دەپ اتالادى. ول - جەردىڭ ماگنيت ءورىسىنىڭ كۇشتى ۇيىتقۋى. ماگنيتتىك داۋىل بىرنەشە ساعاتتان بىرنەشە تاۋلىككە دەيىن سوزىلادى، ءارى ول جەر بەتىنىڭ بارلىق نۇكتەسىندە ءبىر مەزگىلدە وتەدى. ماماندار بۇل كۇندەرى قان قىسىمى جوعارى جانە جۇرەك- قان تامىرلارىنىڭ جۇمىسى ءالسىز ادامدار وزىنە ساق بولۋى كەرەك ەكەنىن ايتادى.

• «ماگنيت جەلى» تۇرعان كەزدە قاندا حولەستەرين مولشەرى ارتادى. سول سەبەپتى بۇل كۇندەرى مايلى، ءارى ءتاتتى، تۇزدى تاعامداردان بويدى اۋلاق ۇستاعان ءجون. سوزىلمالى جۇرەك اۋرۋىنان زارداپ شەگەتىندەر قاجەتتى ءدارى- دارمەكتەرىن ۇنەمى جانىندا ۇستاعانى دۇرىس. ەگەر ادام وسىعان دەيىن قانداي دا ءبىر سەبەپپەن ءتۇرلى قابىنۋلارعا قارسى ءدارى- دارمەكتەر قولدانعان بولسا، وندا ولاردى ءىشۋدى قايتا جالعاستىرعانى دۇرىس (ەمدى ءدال وسى كۇندەرى جاڭادان باستاۋعا بولمايدى، تەك بۇرىن ەمدەلگەندەر عانا ونى جالعاستىرا الادى، وسىنى ۇمىتپاڭىز) .

• دەنساۋلىعىڭىزعا قاتتى كەرى اسەرى بولماسا، اسپيرين قولدانۋعا بولادى. سونىمەن قاتار بۇل كۇنى ءتۇرلى ءشوپ تۇنبالارىن (ەۆكاليپت مايى، تاعى دا باسقا) ازىرلەنگەن جاقپا مايلاردى كومپرەسسكە پايدالانۋعا بولادى. مىسالى، بەلگىلى ءبىر كەپتىرىلگەن ەمدىك ءشوپتىڭ ۇنتاعىنا 2 اس قاسىق الىپ، 50 گ ر ۆازەلينگە تەڭدەي دارەجەدە ارالاستىرادى. جاقپانى داكەگە ابدەن ءسىڭىپ كەتكەنشە ىسقىلاپ جاعادى.

• «ماگنيت جەلى» تۇرعاندا الكوگولدى ىشىمدىكتەردەن باس تارتقان ءجون. سونىمەن قاتار اعزاعا ارتىق سالماق، كۇش تۇسپەگەنى دۇرىس.

• جاسى ۇلكەن ادامدار «ماگنيت داۋىلىن» قينالماي كوتەرۋى ءۇشىن اعزانىڭ ءتىنارالىق زات الماسۋىن رەتتەپ وتىرۋعا پايداسى بار ەمدىك ءشوپ تۇنبالارىن قولدانۋعا بولادى. ماسەلەن، الوە تۇنباسى. ول ءۇشىن الوەنىڭ تومەنگى جاعىنداعى جاپىراقتارىنىڭ ءبىرىن كەسىپ الادى دا، ونى قايناتىلعان سۋدا مۇقيات جۋادى. سودان سوڭ ۇساقتاپ تۋراپ، داكەگە ورايدى دا، ءسولىن سىعىپ الادى. وسى ءسولدى تاماقتان 20 مينۋت بۇرىن ىشەدى. مۇنداي كەزدە كۇنىنە 3 رەت، 15 تامشىدان ەۆكاليپت مايىن دا قولدانعان دۇرىس.

• «ماگنيت جەلى» كەزىندە جۇيكەسى سىر بەرىپ، ءجونسىز اشۋلاناتىندار، مازاسى كەتەتىندەر، ۇيقىسى قاشىپ، ۇرەيگە بەرىلەتىندەر بۇل كەزەڭدە ۆالەريان(ۆالەريانكا) مەن پيون تۇنباسىن قولدانۋعا بولادى. ولار تەز تىنىشتاندىرادى. سونىمەن قاتار جەڭىل دەنە جاتتىعۋلارىن جاساپ، جىلى- سالقىن دۋشتى الما- كەزەك قابىلداسا دا جاقسى كومەگى تيەدى. سەبەبى ماگنيت تولقىنىنىڭ اسەرىن ازايتۋدا قاراپايىم سۋدىڭ پايداسى زور. ەسىڭىزدە بولسىن، «ماگنيت جەلىن» ادامدار ءارقالاي سەزەدى. كەيبىرەۋلەرى جەل باستالاردان 2-3 كۇن بۇرىن مازاسىزدانا باستاسا، ەندى بىرەۋلەرى ءوزىنىڭ كەنەتتەن كوڭىل- كۇيى بۇزىلىپ، سەبەبىن تابا الماي جاتادى. ال ەندىگى بىرەۋلەرى ماگنيت جەلىنىڭ اسەرىن ول ءوتىپ كەتكەن سوڭ بارىپ سەزەدى. مۇنىڭ ءبارى دە اعزانىڭ جاي- كۇيىنە بايلانىستى. سوندىقتان كىمدە- كىم ءوز اعزاسىنىڭ احۋالىن قاداعالاپ، اقپارات قۇرالدارىندا ەسكەرتىلەتىن اۋا- رايى بولجامدارىنا نازار سالا جۇرگەن ارتىقتىق ەتپەيدى. سەبەبى بۇل «ماگنيت جەلى» مەزگىلدىڭ بەلگىلى ءبىر كۇندەرى عانا بولادى.

Massaget.kz


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات