+7 (701) 759 90 19
10 °С : نۇر-سۇلتان
13 °С : الماتى
USD 447.60 EUR 489.41
RUB 5.71 CNY 63.05
جاڭالىقتار

تۇركىستان وبلىسىندا قىسقى سور شايۋ جۇمىستارى جۇرگىزىلۋدە

20 اقپان 12:33
:ءبولىسۋ
تۇركىستان وبلىسىندا قىسقى سور شايۋ جۇمىستارى جۇرگىزىلۋدە

ماقتاارال. قازاقپارات - تۇركىستان وبلىسى، ماقتاارال اۋدانىندا قىسقى سور شايۋ جۇمىستارى قارقىندى ءجۇرىپ جاتىر.

قازىرگى تاڭدا ءوڭىردىڭ كۇرە تامىرى سانالعان دوستىق كانالىنان سەكۋندىنا 42 تەكشە مەتر اعىن سۋ بەرىلۋدە، دەپ حابارلايدى قازاقپارات ءتىلشىسى.

اۋداندىق اۋىل شارۋاشىلىعى ءبولىمىنىڭ باسشىسى عالىم دۇيسەنبەكوۆ سۋ ارنالارى مەن سۋارمالى جەرلەردى ارالاپ كوردى. ونىڭ ايتۋىنشا، اۋدانعا قاراستى اۋىلدىق وكرۋگتەردە 23 اۋىلشارۋاشىلىق وندىرىستىك كووپەراتيۆ بار. سونىڭ ىشىندە بۇگىنگى تاڭدا 21 كووپەراتيۆپەن كەلىسىمشارت جاسالىپ، سەكۋندىنا 45,25 تەكشە مەتر اعىن سۋ الۋعا سۇرانىس تۇسكەن.

وڭىردە 61 مىڭ گەكتارعا جۋىق سۋارمالى جەر بار بولسا، بۇگىنگى تاڭدا 56413 گەكتار جەر ايدالعان. قىسقى سور شايۋ ءۇشىن 47973 گەكتار جەرگە پال الىنعان. كانالدار مەن سۋارمالى جەرلەردى ارنايى باقىلاپ كەلگەن اۋىل شارۋاشىلىعى ءبولىمىنىڭ باسشىسى قالعان جەرلەرگە دە پال الدىرۋ ءۇشىن شارۋالارعا ءتۇسىندىرۋ جۇمىستارى جۇرگىزىلىپ جاتقانىن اتاپ ءوتتى.

«پالسىز سور شايۋ جۇمىستارىن جۇرگىزۋ - اعىن سۋدى ىسىراپ قىلۋعا الىپ كەلەدى. سونداي- اق، ەگىستىك جەردى جاعالاي ورنالاسقان جولداردىڭ بۇزىلۋىنا سەبەپ بولادى. سوندىقتان، اۋدانىمىزدىڭ شارۋالارىنا بۇل باعىتتا ءتۇسىندىرۋ جۇمىستارى جۇرگىزىلىپ جاتىر»، - دەدى عالىم دۇيسەنبەكوۆ.

ايتا كەتەيىك، وتكەن جىلدىڭ 1-قازانىندا «قازسۋشار» ر م ك تۇركىستان فيليالىنىڭ ماقتاارال وندىرىستىك بولىمشەسى ماقتاارال جانە جەتىساي وندىرىستىك بولىمشەلەرى بولىپ قايتا قۇرىلدى. سول كۇننەن باستاپ ماقتاارال وندىرىستىك بولىمشەسىنىڭ ماماندارى قىسقى سور شايۋ ناۋقانىنا دايىندىق جۇمىستارىنا كىرىسىپ، كانالدار تازالاۋ مەن كوللەكتورلاردى رەتكە كەلتىرۋدە.

قازىرگى تاڭدا «يرريگاتسيالىق- درەناجدىق جۇيەلەردى جەتىلدىرۋ - 2» جوباسى بويىنشا قۇرىلىس جۇمىستارى توقتاپ، بۇعان دەيىن جالپى ۇزىندىعى 16 شاقىرىمدى قۇرايتىن 9 كانالدىڭ قۇرىلىس جۇمىستارى تولىق اياقتالعان. قىسقى سور شايۋ ماۋسىمى اياقتالعان سوڭ، قۇرىلىس جۇمىستارى قايتا جالعاسادى دەپ كۇتىلۋدە. ماقتاارال وندىرىستىك بولىمشەسى ەسەبىندە ۇزىندىعى 224,7 شاقىرىمدى قۇرايتىن 23 دانا شارۋاشىلىقارالىق قاشىرتقىسى بار.

سول سەكىلدى 130 دانا تىك درەناجدى ۇڭعىمالار جۇمىس جاساۋدا. «يرريگاتسيالىق- درەناجدىق جۇيەلەردى جەتىلدىرۋ - 2» جوباسى اياسىندا تاعى 145 دانا تىك درەناج قايتا قالپىنا كەلتىرىلەتىن بولادى.

فوتو: dknews.kz



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات