گەرمانيا ۇكىمەتى الەۋمەتتىك جەلىلەرگە باقىلاۋدى كۇشەيتپەك
«زاڭنامالىق قۇجاتتىڭ قابىلدانۋىمەن الاۋىزدىقتان بولاتىن قىلمىستارعا بۇرىنعىدان دا ۇلكەن كۇشپەن قارسى تۇراتىن بولامىز. الداعى ۋاقىتتا ينتەرنەتتە قوقان- لوقى كورسەتكەن نەمەسە الاۋىزدىقتى تاراتقاندار اناعۇرلىم قاتاڭ جانە ءتيىمدى جازالاناتىن بولادى» ، - دەلىنگەن ادىلەت ءمينيسترى كريستينا لامبرەحتىڭ ۆەدومستۆو سايتىندا جاريالانعان مالىمەتىندە.
زاڭ جوباسىنداعى باستى شارالاردىڭ ءبىرى زاڭعا قايشى كونتەنتتى دەرەۋ الىپ تاستاۋ ءۇشىن Facebook پەن Twitter الەۋمەتتىك جەلىلەرىنە قاسىمدى كۇشەيتۋ بولىپ تابىلادى. سونداي- اق الەۋمەتتىك جەلى اكىمشىلەرى كريمينالدىق پوستتاردى، ولاردىڭ جاھاندىق جەلىگە سوڭعى رەت قوسىلعان نۇكتەسىن كورسەتە وتىرىپ، تەحنيكالىق مالىمەتتەردى دە قوسا ۇسىنۋعا مىندەتتەلەدى.
زاڭ جوباسى كۇشىنە ەنبەس بۇرىن گەرمانيانىڭ قوس پالاتاسىندا ماقۇلداۋدان ءوتۋى ءتيىس.