بۇگىن الماتى وبلىسىندا دابىل قاعىلادى
وبلىستىق ت ج د باسپا ءسوز قىزمەتىنىڭ مالىمەتىنشە، 20 - اقپان كۇنى كۇندىزگى ساعات 12:55تە وبلىس اۋماعىندا ەلەكتر دابىلدار 30 سەكۋندقا قوسىلادى. ماماندار وبلىس تۇرعىندارىن قۇلاقتاندىرۋ جۇيەسىنە تەحنيكالىق تەكسەرىس جۇرگىزەدى. وسىعان وراي وبلىستىق ت ج د قىزمەتكەرلەرى حالىقتى الاڭداماي، تۇسىنىستىكپەن قاراۋعا شاقىرادى. سونداي- اق قۇتقارۋشىلار وبلىس اۋماعىندا توتەنشە جاعداي بولعاندا ەلەكترودابىلداردىڭ قوسىلۋ كەزىندە نە ىستەۋ كەرەكتىگىن ەسكەرتىپ وتىر.
«ەگەر دابىل كەزىندە ۇيدە بولساڭىز راديو جانە تەلەديداردى قوسىڭىز، شۇعىل حاباردى تىڭداڭىز، بەرىلگەن حابارلاماعا سايكەس ارەكەت ەتىڭىز» ، - دەپ ت ج د ماماندارى كەڭەس بەرەدى.
ال ەگەر دابىل كەزىندە دالادا بولعان جاعدايدا، كوشەدەگى داۋىس ۇلعايتقىشتارمەن نەمەسە جىلجىمالى حابارلاۋ قۇرالدارىمەن بەرىلەتىن شۇعىل حابارلامانى تىڭداپ ارەكەت ەتۋ قاجەتتىگىن ەسكە سالادى.