جايىق پەن قيعاش وزەندەرىن تەرەڭدەتۋ جالعاسادى

اتىراۋ. قازاقپارات - اتىراۋ وبلىسىندا جايىق پەن قيعاش وزەندەرىن تەرەڭدەتۋ جۇمىستارى جالعاستىرىلادى، دەپ حابارلايدى قازاقپارات.

اتىراۋ وبلىسىنىڭ اكىمى ماحامبەت دوسمۇحامبەتوۆتىڭ ايتۋىنشا، جايىق پەن قيعاش وزەندەرىنىڭ ءتۇبىن تەرەڭدەتۋ 2017 -جىلدان بەرى جۇرگىزىلىپ كەلەدى. وسى ماقساتقا 7,1 ميلليارد تەڭگەدەن استام قاراجات باعىتتالدى. تەرەڭدەتىلەتىن اۋماقتىڭ جالپى ۇزىندىعى - 214 ك م.

«جايىق وزەنىن، قۇرمانعازى، جارقوسىن، يايتسكي كانالدارىن تەرەڭدەتۋ جۇمىستارىن جۇرگىزۋدىڭ ماقساتى - بالىق قورىن ساقتاۋ، بالىقتىڭ تابيعي ءوسىپ-ونۋىنە قولايلى جاعداي جاساۋ» - دەدى ايماق باسشىسى.

قازىرگە دەيىن 91,1 ك م اۋماق تەرەڭدەتىلگەن. جۇمىستار بيىلعى جىلدىڭ سوڭىنا دەيىن اياقتالادى دەپ كۇتىلۋدە. بۇل ماقساتقا 2,4 ميلليارد تەڭگە قاراستىرىلعان.

اۆتورى جولداسبەك كوشەرباي ۇلى