+7 (701) 759 90 19
-1 °С : نۇر-سۇلتان
4 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

ادامزاتتىڭ قاشان كيىنە باستاعانى جاندىك ارقىلى انىقتالدى

20 اقپان 03:47
:ءبولىسۋ
ادامزاتتىڭ قاشان كيىنە باستاعانى جاندىك ارقىلى انىقتالدى

نۇر-سۇلتان. قازاقپارات - ادامزاتتىڭ قاي داۋىردەن باستاپ كيىم كيە باستاعانىن ارحەولوگيالىق دەرەكتەر ارقىلى انىقتاۋ قيىن. ويتكەنى ماتا نە تەرى قالدىقتارى توپىراقتا ۇزاق جاتپايدى، تەز ءشىرىپ كەتەدى.

سوندىقتان عالىمدار ەجەلگى ادامداردىڭ قاي كەزدەن باستاپ كيىم تىگە باستاعانىن انىقتاۋ ءۇشىن گەنەتيكا عىلىمىنا جۇگىنگەن. ال گەنەتيكتەر دەنەدە جۇرەتىن پارازيتتەردىڭ ىشىنەن ءبيتتى الىپ زەرتتەپ، ونىڭ د ن ك- سى وسىدان 170 مىڭ جىل بۇرىن وزگەرىسكە ۇشىراعانىن انىقتاعان. ياعني، تابيعاتتا تىرشىلىك ەتەتىن بيت ەندى ادامنىڭ باسىنا ءتۇسىپ، سوندا تىرشىلىك ەتۋگە بەيىمدەلە باستاعان ەكەن. ال ءبيتتىڭ تىرشىلىك ەتۋ ورتاسى دا گەنەتيكالىق وزگەرىستەرىنىڭ كەسىرىنەن اۋىسا باستاعان.

- بيت - تەك كيىم ىشىندە عانا تىرشىلىك ەتۋگە بەيىمدەلىپ العان الەمدەگى جالعىز جاندىك. ءبىزدىڭ ويىمىزشا، ادامداردا كيىم پايدا بولماي تۇرىپ، بيت تە بولماعان نە باسقاداي تىرشىلىك يەسىنە ۇقساس بولعان، - دەيدى فلوريدا ۋنيۆەرسيتەتىنىڭ زەرتتەۋشىسى، فلوريداداعى جاراتىلىس تانۋ تاريحى مۇراجايىنىڭ قىزمەتكەرى دەۆيد ريد. ءبيتتىڭ باسقا پارازيتتەردەن ايىرماشىلىعى - ادام دەنەسىندە ءومىر بويى تىرشىلىك ەتەتىندىگى. ءبىر ادامنان ەكىنشى ادامعا جۇعىپ جۇرە بەرەدى. سونىڭ كەسىرىنەن ادامدا ينفەكسيالىق اۋرۋلار پايدا بولۋى مۇمكىن. ال كيىم كيىپ جۇرگەن ادامنىڭ تەز بيتتەيتىنىن ايتپاساق تا تۇسىنىكتى. گەرمانيا عالىمدارى جەر بەتىن مۇز باسقان كەزدە، ەجەلگى ادامدار دا كيىم كيۋگە ءماجبۇر بولعان. ال بۇل العاشقى مۇز باسۋ داۋىرىنە سايكەس كەلەدى. شامامەن، وسىدان 180 مىڭ جىل بۇرىن. ال ءبيتتىڭ د ن ك- سى دا وسىدان 170 مىڭ جىل بۇرىن وزگەرە باستاعان. وسىدان كەلىپ عالىمدار ادامزات كيىم تىگۋ مەن كيىم كيۋدى وسىدان 200 مىڭ جىل بۇرىن ۇيرەنگەن دەگەن قورىتىندىعا كەپ وتىر.


Massaget.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات