+7 (701) 759 90 19
0 °С : نۇر-سۇلتان
6 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

نەمىس عالىمدارى: كوروناۆيرۋستى انىقتايتىن سكرينينگ ءتيىمسىز

19 اقپان 20:34
:ءبولىسۋ
نەمىس عالىمدارى: كوروناۆيرۋستى انىقتايتىن سكرينينگ ءتيىمسىز

نۇر-سۇلتان. قازاقپارات - سوڭعى مالىمەت بويىنشا، كوروناۆيرۋستان الەم بويىنشا 2 مىڭ 9 ادام كوز جۇمدى، دەپ حابارلايدى «حابار 24».

ءبىر تاۋلىكتىڭ ىشىندە قىتايدىڭ وزىندە 136 ادام جان تاپسىردى. ونىڭ 132 ءسى حۋبەي پروۆينتسياسىنان. بۇل تۋرالى قىتايدىڭ ۇلتتىق دەنساۋلىق ساقتاۋ كوميسسياسى حابارلايدى.

ال COVID-19 ۆيرۋسىن جۇقتىرعانداردىڭ قاتارى 75 مىڭ 117-گە ءوستى. ولاردىڭ باسىم بولىگى - قىتاي ازاماتتارى. سونىمەن قاتار بۇگىن جاپونيادا تۇرعان كرۋيزدىك لاينەر كارانتين ۋاقىتىنان شىقتى. ەكى اپتا بويى كارانتيندە تۇرعان سۋ كولىگىنەن جولاۋشىلاردى ەۆاكۋاتسيالاۋ جۇمىستارى باستالىپ كەتتى. الايدا ولاردىڭ بارلىعى بىردەن ەلىنە قايتپايتىن كورىنەدى.

بىراك لاينەردەن ازىرگە 500 ادام عانا شىعاتىن بولادى. بۇل تۋرالى رەيتەرس ارقارات اگەنتتىگى حابارلايدى. الدىمەن لاينەردەن 70-تەن اسقان ەگدە جاستاعى ادامدار ەۆاكۋاتسيالاندى.

دارىگەرلەردىڭ ايتۋىنشا، ولاردا اۋرۋدىڭ سيمپتومدارى بايقالعان جوق. ال ىندەتتىڭ بەلگىلەرى تابىلعان جولاۋشىلار ازىرگە لاينەردە قالادى. جالپى يوكوگاما قالاسىندا تۇرعان Diamond Princess كرۋيزدىك لاينەردە كوروناۆيرۋس جۇقتىرعانداردىڭ سانى 545 كە جەتتى.

ا ق ش عالىمدارى:

ا ق ش- تىڭ اللەرگيا مەن جۇقپالى اۋرۋلار ۇلتتىق ينستيتۋتىنىڭ باسشىسى، عالىم ەنتوني فاۋچيدىڭ ايتۋىنشا، ادامداردى كرۋيزدىك لاينەردە ۇستاسا ۆيرۋس كەرىسىنشە تەز تارالىپ كەتۋى مۇمكىن.

ەنتوني فاۋچي، ا ق ش ۇلتتىق اللەرگيا جانە جۇقپالى اۋرۋلار ينستيتۋتىنىڭ ديرەكتورى:

- دەرتكە شالدىققانداردى جابىق جەرگە ۇستاسا، ۆيرۋس ودان بەتەر تەز تارايتىن بولادى. بۇعان قازىرگى كرۋيزدىك لاينەردەگى جاعداي دالەل. ەستەرىڭىزدە بولسا، گونكونگتەگى SARS ۆيرۋسىمەن دە وسىعان ۇقساس وقيعا بولدى. اۋرۋدى جۇقتىرعان كوپقاباتتى ءۇيدىڭ تۇرعىندارىنا ىندەت جىلدام جايىلىپ كەتكەن بولاتىن.

ا ق ش بيلىگى وسى اپتادا 300-گە جۋىق ازاماتىن لاينەردەن ەۆاكۋاتسيالاپ ۇلگەردى. ال تاياۋدا وڭتۇستىك كورەيا دا 7 ادامدى ۇشاقپەن ەلگە جەتكىزدى. ولار ەندى ينچحون قالاسىندا كارانتيندە بولادى.

رەيتەرس اقپارات اگەنتتىگىنىڭ حابارلاۋىنشا، جاقىن ارادا جاپونيا بيلىگى كوروناۆيرۋس جۇقتىرعان ناۋقاستاردى ادامنىڭ يممۋن تاپشىلىعى ۆيرۋسىنا شالدىققاندارعا ارنالعان ءدارى- دارمەكتەرمەن ەمدەۋدى دۇرىس كورەدى.

نەمىس عالىمدارى:

كوروناۆيرۋستى انىقتايتىن سكرينينگ ءتيىمسىز ال نەمىس عالىمدارى كوروناۆيرۋستى انىقتايتىن شارالار ءتيىمسىز دەگەن شەشىمگە كەلدى. وعان قىتايدان ەۆاكۋاتسيالانعانداردىڭ تەكسەرىستەن وتكەننەن كەيىنگى ناتيجەسى دالەل.

مامانداردىڭ ايتۋىنشا، ۋحان قالاسىنان كەلىپ تولىق زەرتتەلگەن 126 ادامنىڭ ىشىندە تۇماۋعا شالدىققاندار كارانتينگە جىبەرىلدى. ەكى اپتادان كەيىن ولاردا COVID-19 ۆيرۋسى انىقتالعان جوق. ال اۋرۋ بەلگىلەرى بايقالماعان ازاماتتار ۋاقىت وتە كەلە ىندەتتى جۇقتىرعان بولىپ شىقتى.

www.24.kz


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات