+7 (701) 759 90 19
-1 °С : نۇر-سۇلتان
4 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

بەك ەير ۇشاعىنىڭ قالاي قۇلاعانى كورسەتىلدى

19 اقپان 19:56
:ءبولىسۋ
بەك ەير ۇشاعىنىڭ قالاي قۇلاعانى كورسەتىلدى

نۇر- سۇلتان. قازاقپارات - مەملەكەتارالىق اۆياتسيا كوميتەتىنىڭ باس ديرەكتورى ۆيكتور سوروچەنكو بەك ەير ۇشاعىنىڭ اپاتقا ۇشىراۋىنىڭ باستى سەبەبىن اتادى، دەپ حابارلايدى قازاقپارات ءتىلشىسى.

«مۇنداي اۆياتسيالىق وقيعالار بۇعان دەيىن دە بولعان. اپاتتى جاعدايدا ۇشۋدى ورىنداۋ بارىسىن ءبىز فرانسيادا 2007 -جىلى بايقاعان ەدىك. مەملەكەتارالىق اۆياتسيا كوميتەتىنىڭ ماماندارى بۇل اپاتتى جان- جاقتى تەكسەرىپ، ساراپتاما جاسادىق. اتالعان اۆياتسيالىق وقيعاعا بايلانىستى فرانسيا بيلىگى بىزگە بارلىق مالىمەتتەردى، ۇشۋ پارامەترلەرىن ۇسىنعان بولاتىن. ال ءبىز سول وقيعا كەزىندەگى ۇشۋ پارامەترلەرى مەن وتكەن جىلدىڭ 27 - جەلتوقسانىندا الماتىداعى ۇشاق ۇشۋىنىڭ پارامەترلەرىن سالىستىرىپ شىقتىق. وسى ەكى اۆياتسيالىق وقيعا پارامەترلەرىنىڭ ۇقساس ەكەندىگىن ايتا الامىن» ، - دەدى ول.

ونىڭ دەرەگىنشە، اەروديناميكاسى وتە ۇقاس بولىپ كەلەتىن Fokker F28 جانە Fokker 100 ۇشاقتارى 106 رەت اپاتقا ۇشىراعان. سونىڭ كەمى سەگىزىندە ۇشاقتىڭ ۇشىپ شىعۋ بارىسىندا قۇلاۋىنا قاناتتارىنىڭ بەتىنە مۇز قاتۋ سەبەپ بولعان. ال بەك ەير ۇشاعى الماتى اۋەجايىنان 6 مەتر كوتەرىلگەننەن كەيىن سول قاناتىنا 5 گرادۋسقا ودان كەيىن وڭ جاققا قاراي 19 گرادۋسقا كۇرت اۋىتقىعان.

«مەن ۇشاق اپاتىنىڭ ەكى عانا سەبەبىن كورىپ وتىرمىن. ولار: قاناتتاردىڭ زاقىمدانۋى، ءبۇلىنۋى، كوتەرۋ قابىلەتى تومەندەۋى نەمەسە مۇز قاتۋ. كوميسسيا اۆياتسيالىق وقيعا ورىن العاننان كەيىن اۋە كەمەسىن قاراپ شىعىپ، قاناتتارىنىڭ زاقىمدانباعاندىعىن انىقتادى. مەنىڭ تاجىريبەم مۇنان وزگە سەبەبى كورىپ تە تۇرعان جوق. سوندىقتان ءبىز ەڭ ۇشاق قاناتتارىنا مۇز قاتۋى نۇسقاسىنا ءبىرىنشى كەزەكتە ءمان بەرەمىز» ، - دەدى ۆيكتور سوروچەنكو.



باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات