ەلورداعا بۇگىن تۇندە جارتى ايلىق مولشەردەگى قار جاۋدى

نۇر- سۇلتان. قازاقپارات - ەلورداعا بۇگىن تۇندە جارتى ايلىق مولشەردەگى قار جاۋدى، دەپ حابارلايدى قازاقپارات قالا اكىمدىگىنىڭ سايتىنا سىلتەمە جاساپ.

«قازگيدرومەت» ر م ك مالىمەتىنە سايكەس، 18 - اقپاننان 19 - اقپانعا قاراعان ءتۇنى ەلورداعا جارتى ايلىق جاۋىن- شاشىن مولشەرى ءتۇستى.

«تۇندە 7 م م بولسا، ايلىق نورما 15 م م قۇرايدى. اقپان ايىنىڭ باسىنان بەرى جاۋىن- شاشىن مولشەرى 33 م م قۇرايدى» ، دەلىنگەن حابارلامادا.

قالالىق توتەنشە جاعداي دەپارتامەنتى اۋا رايىنىڭ قولايسىزدىعىنا بايلانىستى قالا تۇرعىندارى مەن قوناقتارىنا قاۋىپسىزدىك ەرەجەسىن ساقتاۋدى سۇرايدى.

سينوپتيكتەردىڭ مالىمەتى بويىنشا بۇگىن بوران مەن كوكتايعاق كۇتىلىپ، جەلدىڭ جىلدامدىعى 23 م/س جەتەدى.

ەسكە سالا كەتسەك، قالادا اۋا رايىنىڭ قولايسىزدىعىنا بايلانىستى ەسكەرتۋ جاريالانعان.

قازىرگى تاڭدا دەپارتامەنتتىڭ جەدەل شتابى قۇرىلىپ، ونىڭ قۇرامىنا ت ج د، قالانىڭ ازاماتتىق قورعاۋ قىزمەتتەرىنىڭ، اۋداندىق اكىمدىك، «قازاۆتوجول» ر م ك قىزمەتكەرلەرى كىردى.

سونداي- اق قاۋىپسىزدىك ماقساتىندا قالادان شىعاتىن بارلىق باعىتتاعى تاس جولدار جابىلدى. ەلوردالىق توتەنشە جاعداي دەپارتامەنتى تۇرعىندارعا مۇقيات بولىپ، اۋا رايىنىڭ وزگەرۋى تۋرالى اقپاراتتى جانە شەكتەۋلەردى ءجىتى قاداعاۋدى ەسكەرتەدى.

توتەنشە جاعداي تۋىنداسا، «112» قىزمەتى بويىنشا نەمەسە 245171, 245147, 245212 جەدەل بايلانىس تەلەفون نومىرلەرى ارقىلى حابارلاسۋ كەرەك.

تۇندەگى قار تازالاۋ جۇمىسىنا 1292 تەحنيكا مەن 156 جول تازالاۋشى جۇمىلدىرىلدى.

بۇگىن ەلوردا كوشەلەرىن قاردان تازارتۋ جۇمىسىنا 1407 تەحنيكا مەن 1100 جول جۇمىسشىسى تارتىلدى.

ال جالپى وسى ۋاقىتقا دەيىن بارلىعى 4110472 تەكشە مەتر قار پوليگوندار تاسىلدى (325497 رەيس) .