+7 (701) 759 90 19
-1 °С : نۇر-سۇلتان
5 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

بيىل «قاراعاندى - بالقاش» جولى اشىلادى

19 اقپان 17:08
:ءبولىسۋ
بيىل «قاراعاندى - بالقاش» جولى اشىلادى

قاراعاندى. قازاقپارات - بيىلعى جىلى «قاراعاندى- بالقاش» جولىندا 4 جولاق بويىنشا قوزعالىستى ىسكە قوسۋ جوسپارلانۋدا.

قاراعاندى وبلىسىنداعى جول جۇمىستارىنىڭ جوسپارى تۋرالى حالىق الدىندا ەسەپ بەرۋ كەزدەسۋىندە جەڭىس قاسىمبەك وسىلاي ءمالىم ەتتى، دەپ حابارلايدى قازاقپارات ءتىلشىسى.

اكىمنىڭ ايتۋىنشا، «بالقاش- بۋرىلبايتال» جولىن قايتا جاڭارتۋ جالعاستىرىلادى. ول دا ءتورت جولاقتى بولادى.

وتكەن جىلى وڭىردە رەسپۋبليكالىق، وبلىستىق جانە جەرگىلىكتى ماڭىزى بار جولداردا 1300 شاقىرىم جول توسەمى رەتكە كەلتىرىلدى. بيىل جول جوندەۋ جۇمىسىنىڭ كولەمى ارتتى.

«بيىل 1500 شاقىرىم اۆتوجول جوندەلەدى. وتكەن جىلى «تەمىرتاۋ- قاراعاندى»، «قاراعاندى قالاسىنىڭ سولتۇستىك جانە شىعىس اينالما جولدارى» اۆتوبان جول تولىعىمەن قولدانىسقا بەرىلدى. بيىل شىلدە ايىنا دەيىن بۇل ەكى جول تولىعىمەن اباتتاندىرىلادى. جارىق تارتىلىپ، قورشالادى، بەلگىلەۋ جاسالىپ، بەلگىلەر ورناتىلادى. ءبىز ءۇشىن ۇزىندىعى 720 شاقىرىم «جەزقازعان- قىزىلوردا» اۆتوجولىنىڭ قۇرىلىسى ماڭىزدى. مامىر ايىندا جوبالىق- سمەتالىق قۇجاتتاما اياقتالادى. «نۇرلى جول» باعدارلاماسىنىڭ جاڭا بەسجىلدىعى اياسىندا بيىل جول قۇرىلىسىنا كىرىسۋ جوسپارلانىپ وتىر. ول 2025 -جىلى اياقتالۋى ءتيىس»، - دەپ اتاپ ءوتتى جەڭىس قاسىمبەك.

بۇدان باسقا، «قاراعاندى- جەزقازعان» جولىن جوبالاۋ باستالادى. سونداي- اق «قاراعاندى- پاۆلودار» جانە «قاراعاندى- قارقارالى» رەسپۋبليكالىق جولدارىن قايتا جاڭارتۋ جوسپارلانۋدا.

جول ينفراقۇرىلىمىن جاقسارتۋدان باسقا، «نۇرلى جول» باعدارلاماسىن جۇزەگە اسىرۋ حالىقتى جۇمىسپەن قامتۋعا سەپتىگىن تيگىزەدى، دەپ اتاپ ءوتتى جەڭىس قاسىمبەك.

بارلىق جوبالارعا ءۇش مىڭنان استام جەرگىلىكتى تۇرعىن تارتىلادى.

اۆتور اگاتا مۋحامەدجانوۆا


باستى سوزدەر: ايماق,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات