+7 (701) 759 90 19
-1 °С : نۇر-سۇلتان
4 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

قازاقستاندا كوروناۆيرۋستان قورعانۋ تۋرالى ارنايى قاۋلى قابىلداندى

19 اقپان 16:28
:ءبولىسۋ
قازاقستاندا كوروناۆيرۋستان قورعانۋ تۋرالى ارنايى قاۋلى قابىلداندى

نۇر- سۇلتان. قازاقپارات - بۇگىن تۇنگى ساعات 00:00 دە ق ر باس سانيتارىنىڭ كوروناۆيرۋسقا قاتىستى ارنايى قاۋلىسى كۇشىنە ەنەدى، دەپ حابارلايدى قازاقپارات ءتىلشىسى.

بۇل تۋرالى ق ر دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ ايتىپ بەردى.

«17 - اقپاندا ق ر باس سانيتارلىق دارىگەرىنىڭ قاۋلىسى شىقتى. قاۋلى بۇگىن تۇنگى ساعات 00:00 دە كۇشىنە ەنەدى. بۇل كوروناۆيرۋسقا قارسى پروفيلاكتيكالىق شارالاردى كۇشەيتۋگە باعىتتالعان»، - دەدى رەسمي وكىل ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.

وسى قاۋلىعا سايكەس، شەت ەلدەردەن كەلىپ جاتقان ازاماتتار ءۇش توپقا ءبولىپ قاراستىرىلادى.

«6 - اقپاننان باستاپ قىتاي جەرىندە بولعان ازاماتتار مىندەتتى تۇردە 14 كۇن ستاتسيونارعا كارانتينگە جاتقىزىلادى. قوسىمشا تاعى 10 كۇن دارىگەر قاداعالاۋىندا بولادى. ەكىنشى توپ - كوروناۆيرۋستى وننان استام ادام جۇقتىرعان قالالاردان، ەلدەردەن كەلگەن ازاماتتار. ولار 14 كۇن ءۇي كارانتينىنە جاتقىزىلادى جانە تاعى 10 كۇن جەرگىلىكتى مەكەنجايى بويىنشا دارىگەر قاداعالاۋىندا بولادى»، - دەدى د. احمەتشارىپ.

ءۇشىنشى توپتا وننان از ناۋقاس تىركەلگەن ەلدەردەن كەلگەن ازاماتتار قاراستىرىلادى. ولار تۇرعىلىقتى جەرى بويىنشا 24 كۇن دارىگەر باقىلاۋىندا بولادى.

«بۇل ءتارتىپتى بۇزعاندار ق ر اكىمشىلىك قۇقىق بۇزۋ كودەكسىنىڭ 462-بابىنا ساي جاۋاپكەرشىلىككە تارتىلادى، ايىپپۇل سالىنادى. كارانتيندەگى ادامداردى جەرگىلىكتى ۋچاسكەلىك دارىگەرلەر مەن پوليسيا وكىلدەرى كۇن سايىن قاداعالاپ وتىرادى. ءۇي كارانتينىندە وتىرعان ازاماتتار ەڭ الدىمەن جاقىندارى مەن دوستارىن ويلاۋى ءتيىس جانە كارانتين تالاپتارىن قاتاڭ ساقتاۋى كەرەك. ازىرگە ىندەت ءورشىپ تۇرعان ەلدەرگە شىقپاۋلارىڭىزدى، ساپارلارىڭىزدى كەيىنگە شەگەرۋدى سۇرايمىز»، - دەدى دياس احمەتشارىپ.

ايتا كەتەيىك، قىتايدا جاڭا كوروناۆيرۋستان قايتىس بولعاندار سانى 2 مىڭ ادامنان استى . سوڭعى دەرەكتەر بويىنشا، ق ح ر- دا كوروناۆيرۋس جۇقتىرعاندار سانى 74185 ادامدى قۇراپ وتىر، قايتىس بولعاندار سانى - 2004 ەمدەلىپ شىققاندار - 14376 ادام. قازىرگى ۋاقىتتا ناۋقاستارمەن تىعىز بايلانىستا بولعان 135 مىڭ ادام مەديتسينالىق باقىلاۋعا الىنعان.



باستى سوزدەر: بيلئك جانة ساياسات,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات