16:05, 19 - اقپان 2020 | GMT +6
كوروناۆيرۋس: دانيال احمەتوۆ قىتايمەن شەكارالاس اۋىل تۇرعىندارىن سابىرعا شاقىردى
وسكەمەن. قازاقپارات - شىعىس قازاقستان وبلىسىنىڭ اكىمى دانيال احمەتوۆ قىتايمەن شەكارالاس اۋىل تۇرعىندارىن كوروناۆيرۋستان ۇرەيلەنبەۋگە شاقىردى، دەپ حابارلايدى قازاقپارات.
بۇگىن ايماق باسشىسى دانيال احمەتوۆتىڭ حالىق الدىندا ەسەپ بەرۋ كەزدەسۋىندە زايسان اۋدانىنىڭ تۇرعىنى باقىت سىربايەۆا شەكاراداعى ەلدى مەكەن جۇرتشىلىعى قىتايدا تاراعان جۇقپالى ۆيرۋستان قورقىپ وتىرعانىن جەتكىزدى. اكىم قازىرگى ۋاقىتتا جاعدايدىڭ قاتاڭ باقىلاۋدا ەكەنىن ايتىپ، حالىقتى سابىرعا شاقىردى.
«وڭىرىمىزدە كوروناۆيرۋستىڭ تارالۋىنا جول بەرمەۋ ءۇشىن جەدەل شتاب قۇرىلعان. قازاقستاندا ينفەكسيا جۇقتىرعان ەشكىم جوق. 17 -اقپاننان باستاپ قىتايدان كەلگەن ءاربىر ازامات 2 اپتاعا وبسەرۆاتسيالىق باقىلاۋعا جاتقىزىلادى. وبلىستىڭ مەديتسينالىق مەكەمەلەرىندە كوروناۆيرۋسقا قارسى پرەپاراتتار قورى جەتكىلىكتى. سوندىقتان بارشاڭىزدى ۇرەيلەنبەۋگە شاقىرامىن. جاعداي باقىلاۋدا»، - دەدى دانيال كەنجەتاي ۇلى