مەملەكەت باسشىسى داۋرەن ابايەۆتى قابىلدادى

نۇر- سۇلتان. قازاقپارات - ق ر پرەزيدەنتى قاسىم- جومارت توقايەۆ اقپارات جانە قوعامدىق دامۋ ءمينيسترى داۋرەن ابايەۆتى قابىلدادى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

كەزدەسۋ بارىسىندا پرەزيدەنتكە مەملەكەتتىڭ اقپاراتتىق ساياساتىنىڭ تەتىكتەرىن جەتىلدىرۋ، ازاماتتىق قوعاممەن ىقپالداستىقتى نىعايتۋ، جاستاردىڭ باستامالارى مەن جوبالارىنا قولداۋ كورسەتۋ، سونداي- اق، دياسپورالىق جانە ءدىني ساياسات باعىتىندا جوسپارلانعان شارالار تۋرالى باياندالدى.

قاسىم- جومارت توقايەۆ ۆولونتەر جىلىنىڭ ءتيىمدى وتكىزىلۋىنە، ەرىكتىلەرگە قولداۋ كورسەتۋدىڭ ناقتى ينستيتۋتتارىن قالىپتاستىرۋعا ەرەكشە كوڭىل ءبولۋدى تاپسىردى.

مەملەكەت باسشىسى «حالىق ۇنىنە قۇلاق اساتىن مەملەكەت» تۇجىرىمداماسىن جۇزەگە اسىرۋعا ازاماتتىق قوعامدى تارتۋدىڭ، «اشىق ۇكىمەت» قاعيداتتارىن دامىتۋدىڭ ماڭىزى زور ەكەنىن ايتتى.

سونىمەن قاتار پرەزيدەنت قازاقستاندىق م ا س س- مەديانى قولداۋعا باعىتتالعان ناقتى شارالار قابىلداۋ جونىندە تاپسىرما بەردى.