قازاقستاندا تۇرعىن ءۇي قۇرىلىسى بويىنشا ءبىرىڭعاي وپەراتور قۇرىلادى

نۇر- سۇلتان. قازاقپارات - قازاقستاندا تۇرعىن ءۇي قۇرىلىسى سالاسىنداعى وپەراتورلار بىرىكتىرىلەدى، دەپ حابارلايدى قازاقپارات.

بۇل تۋرالى «بايتەرەك» ۇلتتىق باسقارۋ حولدينگى باسقارما ءتوراعاسىنىڭ ورىنباسارى ءانۋار ومارقوجايەۆ ايتىپ بەردى.

«مەملەكەت باسشىسىنىڭ تاپسىرماسىنا سايكەس بايتەرەك ديەۆەلوپمەنت، قازاقستان يپوتەكالىق كومپانياسىن جانە تۇرعىن ءۇي قۇرىلىسىنا كەپىلدىك بەرۋ قورىن بىرىكتىرۋ ارقىلى «بايتەرەك» حولدينگىنىڭ تۇرعىن ءۇي بلوگىن وڭتايلاندىرۋ جۇمىستارى ءجۇرىپ جاتىر. سونىمەن بىرگە، ءبىرىڭعاي وپەراتورعا «دامۋ» قورىنىڭ قۇرىلىس سالۋشىلارعا نەسيەلەردى سۋبسيديالاۋ فۋنكسياسى بەرىلەدى. بيىلعى 1- ماۋسىمعا دەيىن زاڭناماعا ءتيىستى وزگەرىستەر ەنگىزىلەدى. ءبىرىڭعاي وپەراتور ستراتەگيالىق جوسپارلاۋدان باستاپ، ينجينيرينگ، سيفرلىق مونيتورينگ سىندى جوبانى جۇزەگە اسىرۋدىڭ بارلىق كەزەڭدەرىندە كەشەندى قولداۋ كورسەتەدى. وعان قوسا، «نۇرلى جەر» سيتۋاتسيالىق ورتالىعىنىڭ ونلاين پورتالىن قۇردىق» ، - دەدى ءا. ومارقوجايەۆ ق ر پرەزيدەنتى جانىنداعى ورتالىق كوممۋنيكاتسيا قىزمەتىندەگى باسپا ءسوز ءماسليحاتىندا.

ونىڭ ايتۋىنشا، تۇرعىن ءۇي قۇرىلىس جيناق بانكى تۇرعىن ءۇي- قۇرىلىس جيناق جۇيەسىن ءارى قاراي دامىتا بەرەدى.

«وسىلايشا، «بايتەرەك» حولدينگىندەگى بەس وپەراتوردىڭ سانى ەكىگە دەيىن ازايادى. حولدينگتىڭ تۇرعىن ءۇي بلوگى تۇرعىن ءۇي قۇرىلىس جيناق بانكى تاراپىنان سۇرانىستى ارتتىرىپ وتىرادى جانە ءبىرىڭعاي وپەراتور فۋنكتسيالارى ارقىلى تۇرعىن ءۇي سالۋ بويىنشا ۇسىنىستى قامتاماسىز ەتەدى. ءبىرىڭعاي وپەراتور قۇرىلىستىڭ جاڭا ادىستەرىنە، جاڭا قۇرىلىس ماتەريالدارى مەن تەحنولوگيالارعا باعىتتالىپ وتىر» ، - دەدى ءا. ومارقوجايەۆ.