ەركەكتەرى ەڭ ۇسقىنسىز ۇلت انىقتالدى

نۇر-سۇلتان. قازاقپارات - يرلاندىقتار الەمدەگى ەڭ ۇسقىنسىز ۇلت دەپ تانىلدى.

بۇل تۇجىرىمدى «ادەمى ادامدار كلۋبى» رەتىندە تانىمال BeautifulPeople تانىسۋ سايتىنىڭ ستاتيستيكاسى دالەلدەيدى، دەپ حابارلايدى Stan.kz اقپارات اگەنتتىگى.

كلۋب مۇشەسى بولۋ ءۇشىن جەلى پايدالانۋشىلارى فەيس-باقىلاۋدان وتەدى: قاراما- قارسى جىنىستىڭ ارەكەت ەتۋشى قاتىسۋشىلارى ۇمىتكەردىڭ فوتوسۋرەتى مەن قىسقاشا سيپاتتاماسىن باعالايدى، سودان كەيىن ۇكىم شىعارادى. ولاردىڭ داۋىس بەرۋى 48 ساعاتقا سوزىلادى.

ادامداردىڭ سايتقا كىرۋىنە كەدەرگى كەلتىرەتىن فاكتورلارعا تەرىنىڭ ناشارلىعى، ۇلكەن مۇرىن، تولىقتىق نەمەسە شامادان تىس ارىقتىق، مايلى شاش پەن دەنەدەگى شاش كوپتىگى كىرەدى.

كلۋبقا تىركەلۋگە تىرىسقان يرلاندتاردىڭ تەك التى پايىزى عانا ماقۇلداۋ العانى بەلگىلى بولدى.

«گولليۆۋدتا يرلانديالىق تارتىمدى ەرلەر بار، مىسالى، كيلليان مەرفي، دجەيمي دورنان جانە كولين فاررەلل، ءبىراق ولار - ەرەكشەلىك. وكىنىشكە قاراي، يرلانديالىقتار - پلانەتاداعى ەڭ ۇسقىنسىز ەر ادامدار»، - دەدى سايتتىڭ باسقارۋشى ديرەكتورى گرەگ حودج.

يرلانديالىق نازىك جاندىلار، كەرىسىنشە، %35 پروفيلدەردى ماقۇلداۋمەن پورتال پايدالانۋشىلارى اراسىندا التىنشى ورىندى يەلەندى.

كلۋب ستاتيستيكاسى بويىنشا، ەڭ ادەمى ادامدار دۋبليندە تۇرادى.

ال ليمەريك، بەلفاست جانە گولۋەي پايدالانۋشىلارى كوبىنە سايت ساراپشىلارىنان تەرىس جاۋاپ العان.

2019 -جىلدىڭ مامىر ايىندا كورشى رەسەيلىكتەر دە سول كلۋب قاتىسۋشىلارىنىڭ بولجامى بويىنشا الەمدەگى ەڭ ۇسقىنسىز ۇلتتاردىڭ تىزىمىنە ەندى. سول كەزدە سايتتا 8,5 ميلليون رۇقسات ەتىلمەگەن كانديدات بولعان.

كلۋب مالىمەتتەرىنە سايكەس، ۇنامسىز توپتاعى جەتەكشى ۇلت - بريتاندىقتار. ودان كەيىن ۇندىستەر، ورىستار جانە فيليپپيندەر.