جاڭا زاڭ جوباسى بويىنشا ءانشى فونوگرامما قولداناتىنىن ەسكەرتۋى كەرەك - كۇمىس سەيىتوۆا

None
None
نۇر-سۇلتان. قازاقپارات - ءانشى فونوگرامما قولداناتىن بولسا، ونى ءوزى تۋرالى جارناما جاساعان كەزدە مىندەتتى تۇردە حابارلاۋى كەرەك.

بۇل تۋرالى «كونسەرتتىك- گاسترولدىك قىزمەت بويىنشا مەملەكەتىك كونسەرتتىك ۇيىمداردىڭ رەسپۋبليكالىق ورتالىعىنىڭ» تۇساۋكەسەرىندە ايتىلدى.

«بۇگىن ق ر مادەنيەت جانە سپورت مينيسترلىگىنىڭ باستاماسىمەن مۋزەي، كىتاپحانا، تەاتر جانە كونسەرتتىك سالا بويىنشا ءتورت ورتالىق اشىلىپ جاتىر. مۇنىڭ ءبارىن ۇيلەستىرەتىن ق ر مادەنيەت جانە سپورت مينيسترلىگى، ونىڭ ىشىندە مادەنيەت جانە ونەر ىستەرى دەپارتامەنتى. بۇگىنگى كۇنى كونسەرتتىك- گاسترولدىك جۇمىس ءبىر جۇيەگە قويىلماعان. سونىڭ سالدارىنان وڭىرلىك دەڭگەي تۇگىلى، رەسپۋبليكالىق دەڭگەيدەگى بىرنەشە ۇيىم ءبىر ايماققا ءبىر مەزگىلدە بارىپ، كونسەرت وتكىزىپ جاتادى. بۇل - دۇرىس ەمەس جاعداي. وسىنىڭ ءبارىن ءبىر جۇيەگە قويۋ ءۇشىن وسى ورتالىق قۇرىلىپ وتىر»، - دەيدى مادەنيەت جانە ونەر ىستەرى دەپارتامەنتىنىڭ ديرەكتورى كۇمىس سەيىتوۆا.

ول بۇل ورتالىق كونسەرتتىك جۇيەدە بار بارلىق ماسەلەمەن اينالىساتىنى تۋرالى ايتتى.

«بۇگىنگى كۇنى ءبىز مادەنيەت تۋرالى زاڭعا وزگەرىستەر ەنگىزىپ جاتىرمىز. زاڭنامامىز كەشە وتكەن ءماجىلىستىڭ ءبىرىنشى وتىرىسىندا تالقىلاندى. زاڭ جوباسى بويىنشا بىرنەشە ماسەلەنى كوتەرىپ وتىرمىز. بىرىنشىدەن، فونوگراممانى قولداناتىن ورىنداۋشى ءوزى تۋرالى جارناما جاساعان كەزدە، بيلەت ساتاتىن كاسسادا مىندەتتى تۇردە ول تۋرالى حابارلاۋى كەرەك. ونى حابارلاۋ ءتارتىبىن زاڭ قابىلدانعان سوڭ بۇيرىقپەن بەكىتەمىز. ەكىنشىدەن، كونسەرت وتكىزگەن كەزدە ورىنداۋشىنىڭ مىنەز- قۇلقى دۇرىس بولۋى كەرەك. بۇل تۋرالى كونسەرت ۇيىمداستىراتىن ادام نەمەسە ۇيىم ءوزىنىڭ كەلىسىمشارتىندا جازىپ قويۋى كەرەك. ۇشىنشىدەن، بالاعات سوزدەرى بار رەپەرتۋارلارعا جول بەرىلمەۋ كەرەك. وسى ءۇش تالاپتى تالقىلاپ، سىزدەردىڭ ۇسىنىستارىڭىز بويىنشا پروتوكول جازىپ، وسى ماسەلەنى تاعى كوتەرەمىز»، - دەيدى ول.

سوڭعى جاڭالىقتار