+7 (701) 759 90 19
19 °С : نۇر-سۇلتان
21 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

الماتىلىقتار گاز تارتۋ ءۇشىن پايىزسىز نەسيە الا الادى - اكىم

19 اقپان 15:04
:ءبولىسۋ
الماتىلىقتار گاز تارتۋ ءۇشىن پايىزسىز نەسيە الا الادى - اكىم

الماتى. قازاقپارات - الماتى قالاسىنىڭ اكىمى باقىتجان ساعىنتايەۆ مەگاپوليس تۇرعىندارىمەن ەسەپ بەرۋ كەزدەسۋىندە الماتىلىقتار گازعا قوسىلۋ ءۇشىن پايىزسىز نەسيە الا الاتىنىن ايتتى، دەپ حابارلايدى قازاقپارات ءتىلشىسى.

«گازداندىرۋعا قاتىستى ماسەلە وتكىر. اسىرەسە تۇركسىب جانە الاتاۋ ايداندارىندا ماگيسترالدى جانە گاز تارتۋ جەلىلەرى جوق. سوندىقتان گاز تارتۋدا قيىندىقتار تۋىنداعان. ءبىز 3 مىڭعا جۋىق ءۇيدى سانادىق، ولاردىڭ 300-گە جۋىعى تۇرمىسى تومەن وتباسىلار. ولارعا قاتىستى شەشىم قابىلدادىق، بۇگىندە 200 گە جۋىق ءۇي گازعا قوسىلدى. «كازترانسگاز ايماق» گازدى 148 مىڭعا تارتىپ بەرەدى. ال، باسقا مەردىگەر كومپانيالار بۇل قىزمەتى ءۇشىن 250- 300 مىڭ تەڭگە ارالىعىندا الادى ەكەن. بۇل تۇرعىندار ءۇشىن وڭاي ەمەس. سوندىقتان ءبىز Halyk بانكپەن كەلىستىك. تۇرعىندار پايىزسىز نەسيە الۋعا نيەتتى. بۇگىندە باعدارلاما دايىن. Halyk بانكى تۇرمىسى تومەن وتباسىلاردىڭ شىعىنىن وتەۋگە ءازىر. قالعاندارىنا پايىزسىز نەسيە بەرمەك»، - دەيدى قالا اكىمى.

سونىمەن قاتار، ول نەسيە مەرزىمى بانكپەن تالقىلاناتىندىعىن ايتتى. الدىن الا بولجام بويىنشا پايىزسىز نەسيەلەر ءبىر جىلعا بەرىلەدى.

ايتا كەتەيىك، الماتىدا باقىتجان ساعىنتايەۆتىڭ ەسەپتى كەزدەسۋى ءوتىپ جاتىر.

جيىندا اكىم قالا ءۇشىن 400 جاڭا اۆتوبۋس ساتىپ الىناتىنىن حابارلادى.

سونداي-اق الماتى مەنشىگىنە 383,5 گەكتار جەر قايتارىلعاندىعىن ايتتى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات