+7 (701) 759 90 19
-1 °С : نۇر-سۇلتان
4 °С : الماتى
USD 443.50 EUR 479.47
RUB 5.79 CNY 62.51
جاڭالىقتار

ءماجىلىس ا ق ش-تاعى قازاقستان ازاماتتارىنىڭ مۇددەسىن قورعايتىن قۇجاتتى ماقۇلدادى

19 اقپان 13:58
:ءبولىسۋ
ءماجىلىس ا ق ش-تاعى قازاقستان ازاماتتارىنىڭ مۇددەسىن قورعايتىن قۇجاتتى ماقۇلدادى

نۇر-سۇلتان. قازاقپارات - پارلامەنت ءماجىلىسىنىڭ جالپى وتىرىسىندا «قازاقستان ۇكىمەتى مەن ا ق ش ۇكىمەتى اراسىنداعى كونسۋلدىق ارتىقشىلىقتار مەن يممۋنيتەتتەر تۋرالى كەلىسىمدى راتيفيكاتسيالاۋ تۋرالى» زاڭ جوباسى ماقۇلداندى، دەپ حابارلايدى قازاقپارات ءتىلشىسى.

«قازاقستان مەن ا ق ش اراسىنداعى ىنتىماقتاستىق قر تۇڭعىش پرەزيدەنتى - ەلباسى نۇرسۇلتان نازاربايەۆتىڭ 2018 -جىلعى ا ق ش-قا ساپارىنىڭ قورىتىندىلارى بويىنشا ورناتىلعان كەڭەيتىلگەن ستراتەگيالىق سەرىكتەستىك رۋحىندا دامىپ كەلەدى جانە ودان ءارى نىعايۋدا. قازاقستان مەن ا ق ش اراسىندا بارلىق دەڭگەيدە تۇراقتى ساياسي ديالوگ جۇرگىزىلۋدە. بىلتىر جەلتوقسان ايىندا ق ر پرەمەر-ءمينيسترى مەن ق ر سىرتقى ىستەر ءمينيسترىنىڭ ا ق ش- قا ساپارلارى ءوتتى. سونىمەن قاتار، وسى ايدىڭ باسىندا ا ق ش- تىڭ مەملەكەتتىك حاتشىسى م. پومپەونىڭ قازاقستانعا ساپارى بولدى»، - دەپ توقتالدى ق ر سىرتقى ىستەر ءمينيسترى مۇحتار تىلەۋبەردى.

ايتا كەتەيىك، ەلباسى ساپارىنىڭ قورىتىندىسى بويىنشا سان-فرانسيسكودا ق ر باس كونسۋلدىعىن اشۋ تۋرالى شەشىم قابىلداندى. وسىلايشا، ا ق ش اۋماعىندا قازىرگى ۋاقىتتا قازاقستاننىڭ ەكى باس كونسۋلدىعى (نيۋ-يورك جانە سان- فرانسيسكو) جۇمىس ىستەيدى، ال ءبىزدىڭ ەلدە ا ق ش تاراپى ءۇشىن وڭىرلىك حاب قىزمەتىن اتقاراتىن ورتالىق ازياداعى جالعىز الماتى قالاسىنداعى ا ق ش- تىڭ باس كونسۋلدىعى عانا بار.

«راتيفيكاتسيالاناتىن كەلىسىم كونسۋلدىق لاۋازىمدى تۇلعالار مەن ولاردىڭ وتباسى مۇشەلەرىنە ديپلوماتيالىق يممۋنيتەتتەر مەن ارتىقشىلىقتاردى قامتاماسىز ەتۋگە قاتىستى ماسەلەلەردى رەتتەيدى. 1961 -جىلعى ديپلوماتيالىق قاتىناستار تۋرالى ۆەنا كونۆەنسياسىنا سايكەس، كەلىسىمنىڭ نەگىزىندە ەكى مەملەكەتتىڭ كونسۋلدىق مەكەمەلەرى، قورعالاتىن كونسۋلدىق لاۋازىمدى تۇلعالارى، كونسۋلدىق قىزمەتشىلەرى جانە ولاردىڭ وتباسى مۇشەلەرى يۋريسديكتسيالىق يممۋنيتەتتەرمەن قامتاماسىز ەتىلەتىن، سالىقتار، الىمدار مەن باجداردان ءوزارا بوساتىلاتىن بولادى. ەكى مەملەكەتتىڭ ءوزارا پايدالاناتىن يممۋنيتەتتەرى مەن ارتىقشىلىقتارىن كۇشەيتۋ كونسۋلدىق لاۋازىمدى تۇلعالاردىڭ جانە كونسۋلدىق قىزمەتشىلەردىڭ قىزمەتىنە وڭ اسەرىن تيگىزەتىن بولادى»، - دەپ ءتۇسىندىردى مينيستر.

سونىمەن قاتار، كەلىسىمدى ىسكە اسىرۋ امەريكا قۇراما شتاتتارىندا قازاقستان رەسپۋبليكاسى ازاماتتارىنىڭ مۇددەلەرىن ۇسىنۋ جانە قورعاۋدىڭ تيىمدىلىگىن ارتتىرادى.

«كەلىسىمدى ىسكە اسىرۋ مەملەكەتتىك بيۋدجەتتەن قارجى قاراجاتىن ءبولۋدى تالاپ ەتپەيدى جانە قازاقستان رەسپۋبليكاسى ءۇشىن تەرىس قۇقىقتىق، ساياسي جانە الەۋمەتتىك سالدارلارعا اكەپ سوقپايدى. جالپى، كەلىسىمدى راتيفيكاتسيالاۋ قازاقستان رەسپۋبليكاسىنىڭ ۇلتتىق مۇددەلەرىنە ساي كەلەدى»، - دەدى م. تىلەۋبەردى.


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات