+7 (701) 759 90 19
19 °С : نۇر-سۇلتان
21 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

مەن دە ادام بالاسىمىن، قۇدايدان قورقامىن - باقىتجان ساعىنتايەۆ قيسايعان ءۇي تۋرالى

19 اقپان 14:15
:ءبولىسۋ
مەن دە ادام بالاسىمىن، قۇدايدان قورقامىن - باقىتجان ساعىنتايەۆ قيسايعان ءۇي تۋرالى

الماتى. قازاقپارات - الماتى اكىمى باقىتجان ساعىنتايەۆپەن كەزدەسۋدە زەردەلى شاعىن اۋدانىنىڭ تۇرعىنى قيسايعان ءۇيدىڭ تاعدىرى جايلى سۇراق قويدى، دەپ حابارلايدى قازاقپارات ءتىلشىسى.

«بىزبەن كەزدەسۋدە قيسايعان ءۇيدى تۇزەتىپ بەرەمىز دەپ ايتىلعان بولاتىن. 6 جىل بۇرىن عيماراتتى سالعان باقىلاۋشى، قۇرىلىس كومپانياسى ورگاندارى نەگە ناشار جۇمىس ىستەگەن؟ ءبىزدىڭ تاعدىرىمىز نە بولادى؟» - دەدى قالا تۇرعىنى.

قالا اكىمى ساۋال قويعان تۇرعىنعا جانايقايىن تۇسىنەتىنىن جەتكىزدى.

«وزدەرىڭىزبەن كەزدەسۋدە سىزدەر سۇراق قويعان بولاتىنسىزدار. وسى ءۇيدى ءبىرقالىپقا كەلتىرگەن سوڭ، قايتا قيسايىپ قۇلاماي ما، وعان كەپىلدىك بەرەسىز بە دەپ سۇراعان ەدىڭىزدەر. مەن دە ادامنىڭ بالاسىمىن، قۇدايدان قورقامىن. مەن دە ەشكىمنىڭ نالاسىنا قالعىم كەلمەيدى. نەگىزگى ماسەلە ء«ۇيدى تۇزەتتىك، ال كىرە قويىڭدار، پروبلەمانىڭ شەشىمى تابىلدى، ەندى سىزدەردى تانىمايمىز» دەگەندە ەمەس. كوپ شارالار اتقارىلدى. ينستيتۋتتان ماماندار شاقىرىلدى. نەدەن بولعانىن قارادى. ەسەبىن قالاي ورنىنا كەلتىرۋگە بولاتىنىن شىعاردى. ورنىنا كەلتىرەتىن جۇمىستار جۇرگىزىلىپ جاتىر. وزدەرىڭىز بىلەسىزدەر، ءساۋىر- مامىر اراسىندا بۇل جۇمىستار بىتەدى. ءبىز مامانداردىڭ، تولىق تاۋەلسىز ساراپشىلاردىڭ قورىتىندىسىن كۇتەمىز. ولاردىڭ ايتۋىنشا، ءۇيدىڭ جاعدايى ءبىرقالىپتى. ءۇيدىڭ قۇنىنا بايلانىستى ءارتۇرلى ۇسىنىستار كەلىپ جاتىر. ول جەردى جالعا الىپ وتىرعاندار دا بار، يپوتەكاعا الىپ وتىرعاندار دا بار. جاقىندا وزدەرىڭىزدى جيناپ شەشىمىن ايتامىز»، - دەدى قالا اكىمى.

الماتىدا قيسايعان ۇيگە قاتىستى زەرتتەۋ قورىتىندىلارى شىقتى.

مامانداردىڭ پىكىرىنشە، قيسايعان ءۇيدىڭ بارلىق پروبلەمالارى تۇپكىلىكتى شەشىلگەنىنە كوز جەتكىزگەنگە، ياعني ءۇش ايعا دەيىن سوزىلۋى مۇمكىن. سونىمەن قاتار، زەردەلى ىقشام اۋدانىنداعى بارلىق 32 ءۇي بويىنشا زەرتتەۋ جۇرگىزىلىپ، قاز ع ز ي-دىڭ ۇسىنىمدارى شىقپاق.

قازىرگى ۋاقىتتا بارلىق تۇرعىندار قالا اكىمشىلىگى ەسەبىنەن جالعا بەرىلەتىن تۇرعىن ۇيمەن قامتاماسىز ەتىلگەن. ادامدارعا بالالارىن بالاباقشالار مەن باسقا دا ءبىلىم بەرۋ مەكەمەلەرىنە ورنالاستىرۋعا كومەك كورسەتىلۋدە.

ايتا كەتەيىك، الماتىدا قالا اكىمىنىڭ ەسەپ بەرۋ كەزدەسۋى ءوتىپ جاتىر. وعان 3200 ادام جينالدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات