ايەلدەر ءۇشىن ەڭ قاۋىپتى سۋسىن

None
None
نۇر-سۇلتان قازاقپارات - تاياۋدا ءبىر توپ عالىمدار ايەل دەنساۋلىعى ءۇشىن ەڭ قاۋىپتى سۋسىننىڭ سىرا ەكەندىگىن انىقتادى.

ءسوز جوق، سىرا ەرلەر ءۇشىن دە، ايەلدەر ءۇشىن دە اسا زيان. الايدا، الكوگولدى سۋسىننىڭ جويقىن اسەرى نازىك جاندىلار قاۋىمىنا ءتيىپ وتىر.

سىرانى كوپ ىشەتىن ايەلدەردىڭ سىمباتى عانا بۇزىلىپ قويماي، گورمونالدىق جاعدايىن وزگەرىسكە تۇسىرەدى.

سىرانىڭ قۇرامىنداعى فيتوەستروگەن قىز بالاسىنىڭ دەنساۋلىعى ءۇشىن ەڭ جوعارعى قاۋىپتى توندىرەدى ەكەن. اتالعان زات اعزاعا تۇسىسىمەن گورمون تەڭگەرىمسىزدىگىنە ۇشىراتىپ، سوڭى بەدەۋلىككە سوقتىرادى. فيتوەستروگەن جۇيكە جۇيەسىنىڭ بۇزىلۋىنا دا جول اشادى. ايەل اشۋلانشاق، كۇيگەلەك، ىزاقور بولىپ كەتەدى.

ال كوبىكتى سۋسىننىڭ سالماقتى ارتتىراتىنى بۇگىندە ەشكىم ءۇشىن جاڭالىق ەمەس.

سىرانىڭ ءبىر بوتەلكەسىندە 200-250 ككال. بولادى. بۇل دەگەنىڭ تولىققاندى تۇسكى استىڭ جارتىسىنا پارا- پار. سونداي-اق، نەگىزگى كومپونەنتتەرى (قۇلماق، سپيرت) تابەتتى كۇشەيتە تۇسەدى. ناتيجەسىندە، قانشالىقتى مولشەردە تاماق جەيتىنىڭىزگە ەسەپ بەرە الماي قالاسىز.

سول سەبەپتى، تاماقتانۋ تارتىبىڭىزگە جاۋاپكەرشىلىكپەن قاراپ، اعزاڭىزعا پايداسىتيەتىن، ءسىزدى سۇلۋ، دەنى ساۋ ەتەتىن سۋسىنداردى تاڭداي ءبىلىڭىز!

دەرەككوزى: «قىزدارعا كەڭەس» توپتاماسىنان


سوڭعى جاڭالىقتار