ارالدا تۇيە ءسۇتى وڭدەلە باستادى
40 مىڭنان استام ويسىلقارا تۇقىمى بار وڭىردە تۇيە ءسۇتىن تەرەڭ وڭدەپ، ونى شەتەلگە ەكسپورتتاۋ جوباسى جۇزەگە اسىرىلىپ جاتىر.
تەڭىز مارجانىن تەرىپ جەگەن جۇرت «ءشول كەمەسى» اتانعان تۇلىكتىڭ سان دەرتكە داۋا شۇباتىن بۇعان دەيىن وتكىزە الماي جۇرەتىن. جەرگىلىكتى بيلىك ينۆەستور تارتۋ ارقىلى اگروونىم شىعاراتىن زاۋىت سالۋدىڭ ورايىن تاپتى.
ساۋساڭ سۋسىن، جەسەڭ ازىق، مىنسەڭ كولىك ويسىلقارا تۇقىمى تەڭىزدەن جىراق قونىستانعان ارال جۇرتىن اسىراپ وتىر دەسەك قاتەلەسپەيمىز. شۇبات ءوندىرىسىن جانداندىرىپ، حالىقارالىق نارىققا شىعۋ تەتىكتەرى ءجىتى سارالانىپ، بىرنەشە ينۆەستوردىڭ جوباسى ماقۇلداندى.
الماتىلىق كاسىپكەرلەر ارالقۇم، سەكسەۋىل مەن جاقسىقىلىش اۋىلدارىندا ءسۇتتىڭ ليترىن 800 تەڭگەدەن قابىلداۋدى باستاپ كەتتى. ءتىپتى ساۋىن ىنگەنى كوپ تۇيەكەشتەرگە اۆتوماتتى ساۋۋ قۇرىلعىسى تەگىن بەرىلەدى.