مەملەكەتتىك كىرىستەر كوميتەتى پاتەردى جالعا بەرۋگە قاتىستى زاڭ نورمالارىن ءتۇسىندىردى

نۇر-سۇلتان. قازاقپارات - ق ر مەملەكەتتىك كىرىستەر كوميتەتى مۇلىكتى جالعا بەرۋگە قاتىستى زاڭ نورمالارىن ءتۇسىندىردى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.

كوميتەتتىڭ تۇسىندىرۋىنشە، قازاقستاننىڭ كاسىپكەرلىك كودەكسىنىڭ (بۇدان ءارى - كودەكس) 35-بابىنىڭ 3-تارماعىنىڭ 1- جانە 2-تارماقشالارىنا سايكەس جۇمىسكەرلەردىڭ ەڭبەگىن تۇراقتى نەگىزدە پايدالانبايتىن جەكە تۇلعا «سالىق جانە بيۋجەتكە تولەنەتىن باسقا دا مىندەتتى تولەمدەر تۋرالى» قازاقستان رەسپۋبليكاسىنىڭ كودەكسىندە (سالىق كودەكسى) بەلگىلەنگەن كىرىستەردى، ونىڭ ىشىندە كىرىستەر تولەم كوزىنەن سالىق سالۋعا جاتاتىن، مۇلىكتىك تابىستى العان كەزدە جەكە كاسىپكەر رەتىندە تىركەلمەۋگە قۇقىلى.

بۇل رەتتە، كاسىپكەرلىك كودەكستىڭ 35-بابىنىڭ 4-تارماعىنا سايكەس ب ج ت تولەۋشىسى دەپ تانىلعان جەكە تۇلعانىڭ جەكە كاسىپكەر رەتىندە تىركەلمەۋگە دە قۇقىعى بار. سونىمەن، 2019-جىلدىڭ 1- قاڭتارىنان باستاپ سالىق كودەكسىنىڭ 774-بابى قولدانىسقا ەنگىزىلدى، ول جەكە تۇلعالاردىڭ جەكەلەگەن ساناتتارىنا جەكە كاسىپكەر رەتىندە تىركەۋسىز كاسىپكەرلىك قىزمەتتى جۇزەگە اسىرۋعا مۇمكىندىك بەرەدى.

«سالىق كودەكسىنىڭ كورسەتىلگەن بابىنا سايكەس ءبىرىڭعاي جيىنتىق تولەمدى تولەۋشىلەر (بۇدان ءارى - ب ج ت) جەكە كاسىپكەر رەتىندە تىركەلمەي ب ج ت تولەگەن، جالدامالى جۇمىسكەرلەردىڭ ەڭبەگىن پايدالانباعان، كاسىپكەرلىك قىزمەتتى جۇزەگە اسىراتىن، سالىق اگەنتتەرى بولىپ تابىلمايتىن جەكە تۇلعالارعا عانا قىزمەت كورسەتەتىن جانە (نەمەسە) اكتسيزدەلەتىن ءونىمدى قوسپاعاندا، سالىق اگەنتتەرى بولىپ تابىلمايتىن جەكە تۇلعالارعا عانا ءوزى وندىرگەن جەكە قوسالقى شارۋاشىلىقتىڭ اۋىل شارۋاشىلىعى ءونىمىن ساتاتىن جەكە تۇلعالار تانىلادى»، دەلىنگەن حابارلامادا.

بۇل رەتتە، سالىق كودەكسىنىڭ 774-بابىنىڭ 3-تارماعىنا سايكەس ب ج ت تولەۋشىلەرى رەتىندە تانىلمايدى:

كوممەرتسيالىق جىلجىمايتىن مۇلىك وبەكتىلەرىنىڭ، سونداي-اق ساۋدا وبەكتىلەرىنىڭ اۋماعىندا، ونىڭ ىشىندە مەنشىك، جالعا الۋ، پايدالانۋ، سەنىمگەرلىكپەن باسقارۋ قۇقىعىنداعى كورسەتىلگەن قىزمەت تۇرلەرىن جۇزەگە اسىراتىن تۇلعالار؛

تۇرعىن ءۇيدى قوسپاعاندا، مۇلىكتى مۇلىكتىك جالداۋعا (جالعا الۋعا) بەرەتىن تۇلعالار؛

جەكە پراكتيكامەن اينالىساتىن ادامدار؛

ورالمانداردى قوسپاعاندا، شەتەلدىكتەر جانە ازاماتتىعى جوق ادامدار؛

جەكە كاسىپكەر رەتىندە مەملەكەتتىك تىركەۋدەن وتكەن ادامدار.

ب ج ت تولەۋشىنىڭ كۇنتىزبەلىك جىلداعى تابىس مولشەرى رەسپۋبليكالىق بيۋجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1- قاڭتارىندا قولدانىستا بولعان ا ە ك- ءتىڭ 1175 ەسەلەنگەن مولشەرىنەن اسپاۋى ءتيىس.

«سالىق اگەنتتەرى تۇرعىن ءۇيدى جالعا بەرگەن جاعدايدا سالىق كودەكسىنىڭ 350-بابىنىڭ 1-تارماعىنا سايكەس ەنگىزۋ تۋرالى زاڭنىڭ 33-بابىندا ايتىلعان قولدانىستاعى رەداكسيادا جەكە تابىس سالىعىن ەسەپتەۋدى، ۇستاپ قالۋدى جانە بيۋجەتكە تولەۋدى تولەم كوزىنەن سالىق اگەنتى وسى كودەكستىڭ 321-بابىنىڭ 1 - 12، 17-تارماقشاسىندا كورسەتىلگەن كىرىستەر بويىنشا، ەگەر مۇنداي كىرىستەردى اتالعان سالىق اگەنتى تولەۋگە ءتيىس بولسا (تولەسە)، جۇزەگە اسىرادى»، دەلىنگەن حابارلامادا.

تۇرعىن ءۇيدى جەكە تۇلعاعا جالعا بەرگەن جاعدايدا سالىق كودەكسىنىڭ 330-بابى 1-تارماعىنىڭ 4-تارماقشاسىنا سايكەس ەنگىزۋ تۋرالى زاڭنىڭ 33-بابىندا ايتىلعان قولدانىستاعى رەداكسيادا جەكە تۇلعانىڭ سالىق سالۋعا جاتاتىن مۇلىكتىك كىرىسىنە، سونىن ىشىندە دارا كاسىپكەر بولىپ تابىلمايتىن جەكە تۇلعا مۇلىكتى سالىق اگەنتى بولىپ تابىلمايتىن تۇلعالارعا مۇلىكتىك جالداۋعا (جالعا) بەرۋدەن العان كىرىس جاتادى.

سالىق كودەكسىنىڭ 363-بابى 1-تارماعىنىڭ 3-تارماقشاسىنا سايكەس ەنگىزۋ تۋرالى زاڭنىڭ 33-بابىندا ايتىلعان قولدانىستاعى رەداكسيادا دەكلاراتسيانى جەكە تابىس سالىعى بويىنشا سالىق تولەۋشىلەر - رەزيدەنتتەر، سونىڭ ىشىندە، مۇلىكتىك تابىس العان جەكە تۇلعالار ۇسىنادى.

اتالمىش باپتا سالىق كودەكسىنىڭ 320-بابىننىڭ 1-تارماعىنا سايكەس ەنگىزۋ تۋرالى زاڭنىڭ 33-بابىندا ايتىلعان قولدانىستاعى رەداكسيادا وسى باپتىڭ 2-تارماعىندا كورسەتىلگەن تابىستاردى قوسپاعاندا، سالىق تولەۋشىنىڭ تابىستارىنا 10 پايىزدىق مولشەرلەمە بويىنشا سالىق سالىناتىنى بەلگىلەنگەن.

جەكە تۇلعا 2019-جىلى مۇلىكتىك تابىس العان جەكە تۇلعاعا پاتەردى جالعا بەرگەن جاعدايدا، «سالىق ەسەپتىلىگى نىساندارىن بەكىتۋ تۋرالى» قازاقستان رەسپۋبليكاسى قارجى ءمينيسترىنىڭ 2018-جىلعى 12- اقپانداعى 166№ بۇيرىعىمەن بەكىتىلگەن جەكە تابىس سالىعى بويىنشا دەكلاراتسيانى (240.00-نىسان) تاپسىرۋ جانە 2020-جىلعى 10- ساۋىرگە دەيىنگى %10 مولشەرلەمە بويىنشا جەكە تابىس سالىعىن تولەۋ جونىندەگى مىندەتتەمە تۋىندايدى.

پاتەنت نەمەسە وڭايلاتىلعان دەكلاراتسيا نەگىزىندە ارناۋلى سالىق رەجيمدەرىن قولداناتىن جەكە كاسىپكەرلەر تۇرعىن ءۇيدى جالعا بەرگەن جاعدايدا «سالىق جانە باسقا دا بيۋجەتكە مىندەتتى تولەمدەر» قازاقستان رەسپۋبليكاسىنىڭ 2017-جىلعى 25- جەلتوقسانداعى كودەكسىنىڭ 681- بابى 1-تارماعىنا سايكەس قولداناتىن سالىق تولەۋشىنىڭ سالىق سالۋ وبەكتىسى ءۇشىن پاتەنت نەگىزىندە ارناۋلى سالىق رەجيمى نەمەسە وڭايلاتىلعان دەكلاراتسيا سالىق كەزەڭىندە الىنعان تابىس بولىپ تابىلادى.

وسى باپتىڭ 1-تارماعىنىڭ ماقساتى ءۇشىن ايقىندالاتىن كىرىس سالىق كودەكسىنىڭ 681-بابىنىڭ 2-تارماعىندا كورسەتىلگەن قازاقستان رەسپۋبليكاسىندا جانە ودان تىس جەرلەردە (وسى باپتىڭ 6-تارماعىنا سايكەس جۇرگىزىلگەن تۇزەتۋلەردى ەسكەرە وتىرىپ)، الىنعان كىرىستەر تۇرلەرىنەن، سونىڭ ىشىندە تاۋارلاردى ساتۋدان، جۇمىستاردى ورىنداۋدان، قىزمەتتەردى كورسەتۋدەن، ونىڭ ىشىندە رويالتي، كىرىس مۇلىكتىك جالداۋعا (جالعا الۋعا) جانە مۇلىكتى ساتۋدان تۇسكەن كىرىستەردەن تۇرادى.

وڭايلاتىلعان دەكلاراتسيا نەگىزىندەگى ارناۋلى سالىق رەجيمى (بۇدان ءارى - و د) سالىق كودەكسىنىڭ 77-تاراۋىنىڭ 3-پاراگرافىمەن رەگلامەنتتەلگەن.

مۇلىكتى جالعا بەرۋدەن تۇسەتىن تابىستار جونىندەگى پاتەنت بويىنشا سالىقتاردى ەسەپتەۋدى سالىق تولەۋشى ەسەپتى سالىق كەزەڭى ءۇشىن سالىق سالۋ وبەكتىسىنە 1 پايىز مولشەرىندەگى مولشەرلەمەنى قولدانۋ جولىمەن دەربەس جۇرگىزەدى. ەسەپتەۋ قاعازدا نەمەسە ەلەكتروندىق تۇردە، ونىڭ ىشىندە «ەلەكتروندى ۇكىمەت» ۆەب-پورتالى ارقىلى جەكە كاسىپكەرلەر 911.00 «پاتەنت قۇنىن ەسەپتەۋ» نىسانى بويىنشا ۇسىنادى.

پاتەنت قۇنىندا كورسەتىلگەن سالىقتى بيۋجەتكە تولەۋدى سالىق تولەۋشى ەسەپ-قيساپتى تابىس ەتكەنگە دەيىن جۇرگىزەدى.