ماڭعىستاۋدا تۇيەنىڭ كۇل اۋرۋىنا قارسى جاڭا ۆاكتسينا سىناقتان وتكىزىلۋدە
قازىرگى ۋاقىتتا قازاقستاندا جانە كەدەن وداعىنا مۇشە - ەلدەردە تۇيەنىڭ كۇل اۋرۋىنا قارسى ۆاكتسينا شىعارىلمايدى. وسى جاعدايدى ەسكەرگەن، ق ر ءبىلىم جانە عىلىم مينيسترلىگى بيولوگيالىق قاۋىپسىزدىك ماسەلەلەرىن عىلىمي زەرتتەۋ ينستيتۋتىنىڭ عالىمدارى اۋرۋعا قارسى جاڭا ۆاكسينانى جاساپ شىعاردى.
وسى جىلدىڭ اقپان ايىنان باستاپ عالىمدار ماڭعىستاۋ وبلىسى بەينەۋ اۋدانى شارۋاشىلىقتارىندا جاڭا ۆاكسينانى وندىرىسكە ەنگىزۋ الدىنداعى سىناق جۇمىستارىن جۇرگىزۋدە.
«وسى ۋاقىتقا دەيىن 110 تۇيەگە ۆاكسينا سالىندى، بۇل بەينەۋدەگى 3 شارۋا قوجالىعىنىڭ مالدارى. ازىرشە، ونىڭ كەرى اسەرى بايقالعان جوق. عالىمدار زەرتحاناعا تەكسەرۋگە الىپ كەتتى. ناتيجەسىن كۇتۋدەمىز. ەگەر قورىتىندى جاقسى بولسا، قولدانىسقا ەنگىزىلەدى»، - دەيدى وبلىستىق ۆەتەريناريا باسقارماسىنىڭ باسشىسى شامعالي حاميەۆ.