+7 (701) 759 90 19
12 °С : نۇر-سۇلتان
10 °С : الماتى
USD 448.52 EUR 490.32
RUB 5.69 CNY 63.23
جاڭالىقتار

سولتۇستىك قازاقستاندا كۇرىش پەن قانت ارزاندادى

19 اقپان 08:29
:ءبولىسۋ
سولتۇستىك قازاقستاندا كۇرىش پەن قانت ارزاندادى

پەتروپاۆل. قازاقپارات - سولتۇستىك قازاقستان وبلىسىندا جىل باسىنان بەرى ازىق-تۇلىك پەن كۇندەلىكتى تۇتىناتىن تاۋار باعاسى ءوستى، دەپ حابارلايدى قازاقپارات ءتىلشىسى.

وبلىستىق ستاتيستيكا دەپارتامەنتىنىڭ مالىمەتىنشە، وتكەن ايدا ازىق-تۇلىك باعاسى 0,6 پايىز، ازىق-تۇلىك ەمەس تاۋارلار - 0,4 پايىز، اقىلى قىزمەتتەر قۇنى 0,3 پايىز ارتقان.

سونىڭ ىشىندە جۇمىرتقا بىردەن 7,7 پايىز، توقاش-ۇن ونىمدەرى - 1,8 پايىز، ماي - 1,1 پايىز، بالىق پەن تەڭىز ونىمدەرى - 1 پايىز، كونديتەرلىك ونىمدەر - 0,6 پايىز، ەت پەن ەت ونىمدەرى - 0,4 پايىز قىمباتتاعان.

از دا بولسا ءسۇت ونىمدەرى مەن الكوگولسىز سۋسىنداردىڭ باعاسى وزگەرگەن. تەمەكى ونىمدەرى - 3,6 پايىز، اراق-شاراپ - 1,3 پايىز قىمباتتادى.

كوكونىس قۇنى - 3,2 پايىز، جەمىس-جيدەك - 0,3 پايىز ارتتى. الايدا كۇرىش 5,8 پايىز، قانت - 2,5 پايىز جانە ۇن 0,8 پايىز ارزانداپ وتىر.

مامانداردىڭ ايتۋىنشا، گازەت، كىتاپ، كەڭسە تاۋارلارىنىڭ باعاسىندا دا وزگەرىس بار. ولار 0,4 پايىز قىمباتتاسا، جۋۋعا ارنالعان، تازارتقىش قۇرالدار، فارماتسيەۆتيكالىق ءونىم باعاسى 0,3 پايىز ارتقان.

وڭىردە قاڭتار ايىنان باستاپ جانارماي 1,5 پايىز، ديزەل وتىنى 1,1 پايىز قىمبات ساۋدالانۋدا.

ال جەرلەۋ قىزمەتىن كورسەتەتىندەر 12 پايىز، ساقتاندىرۋ كومپانيالارى 5 پايىز اقىنى كوتەرگەن. تەمىرجول كولىگىمەن ءجۇرۋ - 5,6 پايىز، اۆتوكولىكپەن جول ءجۇرۋ 0,6 پايىز قىمباتتاپ وتىر.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات