كوپبالالى انالاردىڭ پويىز بيلەتىن ارزانعا الۋىنا جەڭىلدىك بەرەتىن كارتا جاسالادى

نۇر- سۇلتان. قازاقپارات - ەلىمىزدە كوپبالالى انالارعا ارنالعان تەمىرجول جەڭىلدىك كارتاسى ازىرلەنەدى. بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنىڭ كەڭەيتىلگەن القا ماجىلىسىندە ايتىلدى، دەپ حابارلايدى قازاقپارات ءتىلشىسى.

«وتكەن جىلى جولاۋشى ۆاگوندارى پاركىن جاڭارتۋ جانە بيلەت جەتىسپەۋشىلىگىن جويۋ ماقساتىندا ماڭعىستاۋ- الماتى، نۇر- سۇلتان- اتىراۋ، نۇر- سۇلتان- سارى اعاش، الماتى- اتىراۋ، ماڭعىستاۋ- الماتى جانە نۇر- سۇلتان- سارىاعاش باعىتتارىنا 109 ۆاگون ساتىپ الىندى»، - دەيدى ق ر يندۋستريا جانە ينفراقۇرىلىمدىق دامۋ ۆيتسە- ءمينيسترى بەرىك قاماليەۆ.

ول 2019 -جىلى جولاۋشىلار قۇجاتتارى تولىق ەلەكتروندى جۇيەگە كوشكەنىن اتاپ ءوتتى.

«مۇمكىندىگى شەكتەۋلى جاندارعا % 50 جەڭىلدىگى بار تاريفتەر ۇسىنىلدى. بولاشاقتا بۇل باعىتتاعى جۇمىس جالعاسىن تاۋىپ، كوپبالالى انالارعا ارنالعان جەڭىلدىك كارتاسى جاسالادى»، - دەيدى ول.

ول «نۇرلى جول» مەملەكەتتىك باعدارلاماسى اياسىندا ۆاگوندار پاركىن جاڭارتۋ جۇمىسى جالعاسىن تاباتىنىن ايتتى.

«2025 -جىلعا دەيىن 600 جولاۋشى ۆاگونىن الۋ جوسپارلانعان»، - دەيدى ۆيتسە- مينيستر.

اۆتور: زارينا قاھارمان