توقايەۆ اۋىلداعى مەكتەپتەر مەن مەدپۋنكتتەرگە تولىقتاي ينتەرنەت جەتكىزۋدى تاپسىردى

نۇر- سۇلتان. قازاقپارات – ق ر پرەزيدەنتى قاسىم- جومارت توقايەۆ «قازاق تەلەكوم» ا ق باسقارما ءتوراعاسى قۋانىشبەك ەسكەيەۆتى قابىلدادى، دەپ حابارلايدى قازاقپارات اقورداعا سىلتەمە جاساپ.

مەملەكەت باسشىسىنا «قازاق تەلەكوم» اكسيونەرلىك قوعامىنىڭ 2019 -جىلعى قورتىندىلارى جايىندا باياندالىپ، Smart sity تۇجىرىمداماسىنىڭ ورىندالۋ بارىسى، «سمارت اقكول» جوباسى بويىنشا اتقارىلىپ جاتقان جۇمىستار تۋرالى ايتىلدى.

سونىمەن قاتار قۋانىشبەك ەسكەيەۆ قازاقستان پرەزيدەنتىنە «قازاق تەلەكوم» اكسيونەرلىك قوعامىنىڭ «Kcell» جانە «Tele2» كومپانيالارىنىڭ اكسيالارىن ساتىپ العانى، ولاردىڭ جۇمىسىن ينتەگراتسيالاۋ شارالارى، موبيلدى قىزمەت جوباسىنىڭ جۇزەگە اسىرىلۋى جونىندە دە مالىمەت بەردى.

كەزدەسۋ سوڭىندا قاسىم- جومارت توقايەۆ قۋانىشبەك ەسكەيەۆكە ەلدى مەكەندەردى تولىقتاي موبيلدى بايلانىسپەن قامتاماسىز ەتىپ، اۋىلدارداعى مەكتەپتەر مەن مەديتسينالىق پۋنكتتەرگە ينتەرنەت جەلىسىن جەتكىزۋدى، سونداي- اق، ولاردىڭ باعاسىن قىمباتتاتپاۋدى تاپسىردى.