قورداي اۋدانىنىڭ پوليتسيا قىزمەتكەرلەرىنە قاتىستى زورلىق- زومبىلىقتى تەرگەۋ اياقتالدى - باس پروكۋراتۋرا

نۇر-سۇلتان. قازاقپارات – بيلعى جىلدىڭ 7 - اقپانىندا جامبىل وبلىسى قورداي اۋدانى سورتوبە اۋلىندا جول پوليتسياسى قىزمەتكەرلەرىمەن پاترۋلدەۋ كەزىندە ل. ۆوينگۋيدىڭ باسقارۋىنداعى «حوندا وديسسەي» اۆتوكولىگى توقتاتىلعان.

كولىككە ارنالعان قۇجاتتارى بولماعاندىقتان، ل. ۆوينگۋيعا پوليتسيا بولىمىنە بارۋ ۇسىنىلعان. الايدا ول وفيتسەرلەردىڭ تالاپتارىن ورىنداماي، ۇيىنە قاراي بەت العان جانە كەيىننەن اعالارى ا. ۆوينگۋي جانە م. ۆوينگۋيمەن بىرلەسىپ پوليتسيا قىزمەتكەرلەرىنە قارسى زورلىق- زومبىلىق جاساعان. وسى وقيعانىڭ ۆيدەوسى بۇقارالىق اقپارات قۇرالدارى مەن الەۋمەتتىك جەلىلەردە تاراتىلعان بولاتىن.

اتالعان فاكتى بويىنشا باس پروكۋراتۋرانىڭ ارنايى پروكۋرورىمەن قىلمىستىق كودەكستىڭ 380-بابىنىڭ 1-بولىگى (بيلىك وكىلىنە قاتىستى كۇش قولدانۋ) بويىنشا سوتقا دەيىنگى تەرگەۋ جۇرگىزىلدى. ءۇش ايىپتالۋشى ءوز كىنالارىن تولىق مويىنداپ، تەرگەۋ سوتىمەن قاماۋعا الىندى. اعىمداعى جىلدىڭ 14- اقپانى كۇنى قىلمىستىق ءىس ايىپتاۋ اكتىسىمەن قورداي اۋداندىق سوتىنا جولداندى.