بۇدان بىلاي كوپپاتەرلى ۇيلەر «ءبىر ءۇي- ءبىر بىرلەستىك- ءبىر شوت» قاعيداتىمەن باسقارىلادى
بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنىڭ 2019 -جىلدىڭ قورىتىندىلارى مەن 2020 -جىلعى مىندەتتەرگە ارنالعان كەڭەيتىلگەن القا ماجىلىسىندە ايتىلدى، دەپ حابارلايدى قازاقپارات ءتىلشىسى.
«2019 -جىلى تۇرعىن ءۇي زاڭناماسىن جەتىلدىرۋ بويىنشا اۋقىمدى جۇمىس جۇرگىزىلدى. ازىرلەنگەن تۇزەتۋلەر وتكەن جىلدىڭ سوڭىندا قابىلداندى جانە 7 - قاڭتاردا كۇشىنە ەندى»، - دەيدى ق ر يندۋستريا جانە ينفراقۇرىلىمدىق دامۋ ءبىرىنشى ۆيتسە- ءمينيسترى قايىربەك وسكەنبايەۆ.
ونىڭ ايتۋىنشا، زاڭنامالىق دەڭگەيدە كوپپاتەرلى ۇيلەردى باسقارۋدا «ءبىر ءۇي - ءبىر بىرلەستىك - ءبىر شوت» قاعيداتى بويىنشا «مۇلىكتىڭ مەنشىك يەلەرى بىرلەستىگى» كوممەرتسيالىق ەمەس ۇيىمىن قۇرۋدىڭ جاڭا نىسانى كوزدەلگەن.
«تۇرعىن ءۇيدى ودان ءارى كۇردەلى جوندەۋ ءۇشىن جيناق جۇيەسى ەنگىزىلدى (0,005 ا ە ك - 1 شارشى مەتر ءۇشىن 13,3 تەڭگە). باسقارۋ ورگاندارىنىڭ قىزمەتى اشىق جۇرگىزىلەدى، سونداي- اق باسقارۋ ورگاندارىن مەنشىك يەلەرى تاراپىنان باقىلاۋ جانە الەۋمەتتىك ينفراقۇرىلىم وبەكتىلەرىندەگى قاۋىپتى تەحنيكالىق قۇرىلعىلاردى، گاز جانە گازبەن جابدىقتاۋ وبەكتىلەرىن قاۋىپسىز پايدالانۋ نورمالارى كوزدەلگەن. تۇرعىن ءۇي جانە تۇرعىن ءۇي- قۇرىلىس كووپەراتيۆتەرىنىڭ قىزمەتى رەتتەلگەن جانە قۇرالداردى ساتىپ الۋ اشىق جۇرگىزىلەدى»، - دەيدى ول.
اۆتور: زارينا قاھارمان