نۇرلى جەر: باسپانا كەزەگىندە تۇرعاندار الداعى ءۇش جىل ىشىندە ءۇيلى بولادى
بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنىڭ كەڭەيتىلگەن القا ماجىلىسىندە ايتىلدى، دەپ حابارلايدى قازاقپارات ءتىلشىسى.
«جىل سايىن حالىقتىڭ وسال توبىنا جاتاتىن 10 مىڭعا جۋىق ادامدى ساتىپ الۋ مۇمكىندىگىنسىز جالعا بەرىلەتىن تۇرعىن ۇيمەن قامتاماسىز ەتەمىز. بۇل توپقا جەتىم بالالار، مۇگەدەك بالاسى بار وتباسىلار جانە باسقا دا ساناتتار جاتادى»، - دەيدى ق ر يندۋستريا جانە ينفراقۇرىلىمدىق دامۋ ءبىرىنشى ۆيتسە- ءمينيسترى قايىربەك وسكەنبايەۆ.
ول كوپبالالى وتباسىلاردىڭ تۇرعىن ءۇي ماسەلەسىنە ەرەكشە نازار اۋدارىلاتىنىن ايتتى.
«وسى ماقساتتا 2019 -جىلى تۇرعىن ءۇي زاڭناماسىنا تۇزەتۋلەر ەنگىزىلدى جانە «نۇرلى جەر» باعدارلاماسى بويىنشا تۇرعىن ءۇيدى قارجىلاندىرۋ تەتىكتەرى كوزدەلگەن. وسى ساناتتار بويىنشا كەزەكتە تۇرعان 41 مىڭ ادامنىڭ ىشىنەن 2019 -جىلى 7 387 وتباسى تۇرعىن ۇيمەن قامتاماسىز ەتىلدى. مەملەكەت باسشىسىنىڭ تاپسىرماسى بويىنشا ولاردى ءۇش جىلدىڭ ىشىندە تۇرعىن ۇيمەن قامتاماسىز ەتۋدى جوسپارلاپ وتىرمىز»، - دەيدى ول.
اۆتور: زارينا قاھارمان