ۋحانداعى گوسپيتال باسشىسى كوروناۆيرۋستان كوز جۇمدى

بەيجىڭ. قازاقپارات - قىتاي مەملەكەتتىك تەلەارناسىنىڭ حابارلاۋىنشا، كوروناۆيرۋس وشاعىنا اينالعان ۋحان قالاسىنداعى گوسپيتال باسشىسى وسى ينفەكسيانى جۇقتىرىپ، سەيسەنبى كۇنى قايتىس بولدى، دەپ حابارلايدى قازاقپارات New York Times-قا سىلتەمە جاساپ.

Wuhan Wuchang Hospital ديرەكتورى ليۋ چجيمين تاڭعى 10:30 دا كوز جۇمدى، دەپ جازدى New York Times.

وسى ايدىڭ باسىندا ميلليونداعان قىتايلىق تۇرعىن كوروناۆيرۋس تۋرالى ەرتە ەسكەرتۋ جاساعان دارىگەر لي ۆەنلياننىڭ قازاسىنا كوڭىل ايتقان بولاتىن.

ون مىڭداعان مەديتسينا قىزمەتكەرى حۋبەي پروۆينتسياسىنىڭ ورتالىعى ۋحانداعى تەڭىز ونىمدەرىن ساتاتىن بازاردا پايدا بولعان كوروناۆيرۋستىڭ تارالىپ كەتپەۋى ءۇشىن كۇرەستى.

قىتايلىق ينتەرنەتتە لي سەكىلدى، دۇيسەنبى كۇنى كەشكە ليۋدىڭ جاعدايىنا قاتىستى دا تۇسىنىسپەۋشىلىك تۋىندادى.