يرلانديا جاعالاۋىنا ىشىندە ءتىرى جان جوق قۇپيا كەمە كەلىپ توقتادى
ەڭ قىزىعى، كەمەدە ءتىرى جان جوق دەپ حابارلايدى Life.ru.
جەرگىلىكتى Irish Examiner پورتالىنىڭ مالىمەتىنشە، 2018-جىلدىڭ كۇزىندە اتالمىش كەمە بەرمۋد ارالدارى ماڭىنان ءجۇزىپ وتكەن.
شامامەن سول كەزدە كەمە ىستەن شىعىپ، ەكيپاج مۇشەلەرى قۇتقارىلعان. سودان ءبىر جىل وتكەننەن كەيىن كەمە افريكا جاعالاۋى ماڭىنان بايقالعان.
ماماندار «ەلەس-كەمەنىڭ» ۇزاق قاشىقتىقتى ءجۇزىپ وتكەنىن ايتادى. ال ونىڭ كاپيتانى سول كۇيى تابىلماعان.
ايتا كەتەيىك، بىرنەشە كۇن بۇرىن ەۋروپانىڭ بىرنەشە ەلىندە «دەننيس» داۋىلى تىركەلگەن. سونىڭ سالدارىنان ۇلى بريتانيادا ءۇش ادام قايتىس بولىپ، مىڭداعان ادام سۋ باسۋ قاۋپىنە بايلانىستى ۇيلەرىن تاستاپ كەتۋگە ءماجبۇر بولعان.
ەسكە سالا كەتەيىك، جاقىندا شوتلانديانىڭ سولتۇستىك-شىعىسىندا «سيارا» داۋىلى تۇرىپ، تەڭىز جاعالاۋىندا جۇمباق تىرشىلىك يەسىنىڭ قاڭقاسى پايدا بولعان ەدى.
قالدىقتار ابەردينشير اۋماعىنداعى جاعالاۋدان 9- اقپاندا تابىلعان. سول كۇنى وڭىردە ساعاتىنا 144 شاقىرىمدىق جەل مەن نوسەر جاۋىن ەكەن.
ماماندار ازىرگە بۇل قالدىقتار تۋرالى ناقتى ءبىر اقپارات بەرە الماي وتىر.
https://publish.twitter.com/?query=https%3A%2F%2Ftwitter.com%2FIrishCoastGuard%2Fstatus%2F1229147225365848064&widget=Tweet