ابايدىڭ تۇمار دومبىراسى - تانىمدىق روليك
ءار جىلدارى مۋزەيدىڭ قالىپتاسىپ، دامۋىنا ابايدىڭ ءوزى باستاپ، شاكارىم قۇدايبەردى ۇلى، زاڭعار جازۋشى مۇحتار اۋەزوۆتەر قولداۋ كورسەتكەن. ايتالىق، 1885 -جىلى اباي سول ولكەتانۋ مۋزەيىنە تۇسكيىز، الاشا، سىرماق، توسەكاياق، جۇكاياق، اسادال، قوبىز، دومبىرا، كورىك، ءتوس، بالعا، نايزا، ايبالتا، شوقپار، ءشيتى مىلتىق، كىسە بەلدىك سىندى 60 تان استام جادىگەر تارتۋ ەتكەن.
مۇحتار اۋەزوۆتىڭ ۇسىنىسىمەن ابايدىڭ تۋعانىنا 95 جىل تولۋىنا وراي، قازاق س س ر حالىق كوميسسارلار كەڭەسىنىڭ 1940 -جىلعى 1-ساۋىردەگى №347-قاۋلىسى نەگىزىندە اقىننىڭ ادەبي-مەموريالدىق مۇراجايى قۇرىلادى. ال 1964 -جىلى قازاق س س ر مادەنيەت مينيسترلىگىنىڭ قاۋلىسىمەن اباي تاپسىرعان زاتتاردىڭ ون جەتىسى ولكەتانۋ مۋزەيىنەن اقىن مۇراجايىنىڭ قورىنا وتكىزىلدى.
جاقسىنى كورمەككە. ۇلى اقىننىڭ 175 جىلدىعىنا وراي «ادەبيەت پورتالى» تىكەلەي اباي تۇتىنعان جانە قۇنانباي اۋلەتىنە قاتىستى اسا قۇندى جادىگەرلەردەن تانىمدىق ۆيدەوروليك ۇسىنادى.
وسى ەڭبەكتىڭ جۇزەگە اسۋىنا قولداۋ كورسەتكەن ابايدىڭ «جيدەباي- ءبورىلى» مەملەكەتتىك تاريحي-مادەني جانە ادەبي- مەموريالدىق قورىق- مۇراجايىنا زور العىس بىلدىرەمىز.
Adebiportal.kz