ەلجان ءبىرتانوۆ كرۋيزدىك لاينەردەگى قازاقستاندىقتاردىڭ جاعدايى تۋرالى باياندادى

None
None
نۇر-سۇلتان. قازاقپارات – ق ر دەنساۋلىق ساقتاۋ ءمينيسترى ەلجان ءبىرتانوۆ كوروناۆيرۋس شىعۋىنا بايلانىستى جاپونيا جاعالاۋىندا وقشاۋلانعان كرۋيزدىك لاينەردەگى قازاقستاندىقتاردىڭ جاي-كۇيىنە قاتىستى دەرەكتەرىمەن ءبولىستى، دەپ حابارلايدى قازاقپارات ءتىلشىسى.

«جاپونيانىڭ دەنساۋلىق ساقتاۋ مينيسترلىگىمەن تىكەلەي بايلانىسىمىز بار. ولاردىڭ دەرەكتەرىنە سايكەس، ءدال قازىرگى ۋاقىتتا ولاردىڭ دا ۆيرۋس جۇقتىرعانى (كوروناۆيرۋستى) تۋرالى اقپارات جوق. مۇنان بولەك، ازاماتتارىمىزبەن دە تىكەلەي بايلانىستامىز»، - دەدى مينيستر ۇكىمەت وتىرىسىنان كەيىن.

ونىڭ اتاپ وتۋىنشە، كرۋيزدىك كەمەدەگى قازاقستاندىقتاردىڭ دەنساۋلىق جاعدايلارى جاقسى.

«قازىرگى ۋاقىتتا ءبىز سىرتقى ىستەر مينيسترلىگىمەن بىرگە ەلىمىزدىڭ ازاماتتارىن قازاقستانعا جەتكىزۋ ماسەلەسىن پىسىقتاپ جاتىرمىز»، - دەدى ەلجان ءبىرتانوۆ.

ايتا كەتەرلىگى، كەمە 5- اقپاننان بەرى كارانتيندە تۇر. كارانتين 19- اقپاندا اياقتالۋى ءتيىس. ول اياقتالعان سوڭ، ازاماتتارىمىزدا كوروناۆيرۋس بەلگىلەرى بولماسا كەمەدەن شىعارىلادى.

جاپونيا لاينەردەن بوساتىلعان جولاۋشىلاردى جەرگە تۇسكەننەن كەيىن تاعى ءبىر مارتە تەكسەرۋدى جوسپارلاپ وتىر.

ق ر سىرتقى ىستەر مينيسترلىگىنىڭ مالىمەتى بويىنشا، كەمە بورتىندا قازاقستاندىق ەكى ايەل مەن 8 جانە 12 جاسار ەكى بالا بار. ولاردىڭ جاعدايى جاقسى، شاعىمدارى جوق. جولاۋشىلار تاماقپەن جانە مەديتسينالىق قورعانۋ قۇرالدارىمەن قامتاماسىز ەتىلگەن.


سوڭعى جاڭالىقتار