قازاقتا ۇمىت بولىپ بارا جاتقان بوزا سۋسىنى تۋرالى نە بىلەسىز؟

None
None
نۇر-سۇلتان. قازاقپارات – قازاقتا بوزا دەگەن ۇلتتىق سۋسىن بار. ءبىراق قازىر ونى كوبىسى بىلە بەرمەيدى.

ءدامىن تاتىپ كورمەك تۇگىلى اتىن ەستىمەگەندەر دە جەتەرلىك. كوپ ناسيحاتتالماعاندىقتان ونىڭ اتى بەلگىسىز. دەگەنمەن ارتىندا ىزدەۋشىسى بولعانى جاقسى عوي. سوندىقتان مەن وسى سۋسىننىڭ پايدالى- زياندىلىعىن اشىپ كورمەكپىز.

بوزا - ءداندى داقىلداردان اشىتىپ جاسالاتىن ەجەلگى سۋسىن. ءبىر تاۋلىك بويى سۋعا بوكتىرىلىپ قويىلعان ءدان جارماسىنىڭ سارىسۋىن توگىپ تاستاعاننان كەيىن، قالعان تۇنباعا بەلگىلى مولشەردە ماي، سۋ قۇيىپ، وتتىڭ تابىنا جايلاپ قايناتىپ، بوتقا جاسايدى. ونى سۋىتىپ قويىپ، ءداندى داقىلدىڭ ءبىر تۇرىنەن (تارى، ارپا، ت. ب. ) اشىتقى دايىندايدى. ول ءۇشىن داقىلدى قاجەتىنشە الىپ، ۇستىنە ىستىق سۋ قۇيىپ، 3 - 4 ساعات بوكتىرەدى دە، ءسۇزىپ الادى. سودان كەيىن ونى جىلى جەرگە جايىپ قويسا، 3 - 4 كۇندە داندەرى ونەدى.

جانە داقىل بىردەن كەۋىپ كەتپەس ءۇشىن ءۇستىن جاۋىپ تاستايدى. ءوندىرىپ العان سوڭ كەلىگە سالىپ جانشيدى. وسىلايشا دايىندالعان ۋىتتى تۇنباعا مولشەرلەپ سالىپ، ۇستىنە سۋىتىلعان قايناعان سۋ قۇيىپ، جارتى تاۋلىكتەي اشىتىپ قويادى. سودان سوڭ، دايىن قوسپادان ىدىسقا كەرەگىنشە سالىپ، قايناعان سالقىن سۋعا ارالاستىرىپ، سۇزگىدەن وتكىزەدى.

ەمدىك قاسيەتى:

بوزانىڭ قورەكتىك قاسيەتىنىڭ كۇشتىلىگى سونشا اعزاداعى زات الماسۋدى كۇشەيتىپ، قانداعى شلاكتاردى ايداپ شىعادى. ال مەديتسينادا قانداعى قالدىقتاردى تازالاۋ وتە قيىن ەكەنى بەلگىلى. بۇگىندە ەكىنىڭ ءبىرى قانازدىلىقپەن اۋىرادى. وسى اۋرۋدىڭ الدىن الۋدا بوزا تاپتىرماس ەم. بۋىن اۋرۋلارىنا، تۇز جينالعانعا، اس قورىتۋ مۇشەلەرىنە تيگىزەر پايداسى مول. بوزانىڭ قۇرامىندا فەرمەنتتەر كوپ بولعاندىقتان، زالالى مول باكتەريالارعا قارسى اسەرى بار. ونىڭ قۇرامىنداعى از عانا ءسپيرتتىڭ ءوزى اعزاعا كوپ پايداسىن تيگىزەدى.

ەسكەرتۋ:

بۇيرەگىنە تاس، تۇز جينالعان ناۋقاستاردىڭ ونى اسا ابايلاپ ىشكەنى ءجون. ەگەر ۋىتتى بوزانى كوپ ىشسە، قاتتى اۋىرىپ قالۋى دا مۇمكىن. بۇيرەگىندە تاسى بار ادامدار بوزانى ءاۋ باستا 50-100 گرامنان باستاپ ءىشىپ ۇيرەنگەنى ءجون. سودان كەيىن عانا مولشەرىن ۇلعايتا بەرسە بولادى. بوزانى كەز كەلگەن جاستاعى ادام ىشە بەرسە بولادى. ءبىراق 3 جاستان اسقان بالالارعا 5 اس قاسىقتان ارتىق ىشكىزۋگە بولمايدى.

اسىرەسە بۇيرەگى، اسقازانى مەن باۋىرى اۋىراتىن ادامدار بۇل سۋسىندى ارنايى دايىنداتىپ ەمگە پايدالانسا، اۋرۋىنان ايىعاتىن كۇن الىس بولمايدى.

بوزانىڭ مال شارۋاشىلىعىندا تاعى ءبىر ارتىقشىلىعى بار. بوزادان قالعان قالدىقپەن بايگە اتتارىن باعادى. ونىڭ ءتۇبىن جەگەن مال جۇقپالى ىندەتپەن اۋىرمايدى. بوزانىڭ ءتۇبى دەگەن - داقىلدى دايىنداعان كەزدە سۇزىلگەننەن قالعان ەڭ تۇبىندەگى ماڭىزى. ونى جەگەن مال دا قوڭدى بولىپ، سىرقاتتان الشاق بولادى.

وكىنىشكە وراي بۇگىنگى كۇنى بوزانى شىڭىنا جەتكىزىپ دايىنداۋ ەكىنىڭ ءبىرىنىڭ قولىنان كەلە بەرمەيدى. ويتكەنى جوعارىدا جازعانىمىزداي جاسالۋ جولىندا بەينەتى مول شارۋا. سوندىقتان ونى بازارلاردان وتە سيرەك كورەمىز. ونىڭ ءوزىنىڭ قانداي جولمەن دايارلانعانى بەيمالىم.

سوڭعى جاڭالىقتار